Geggjaður borgarstjóri!

Hann er alveg geggjaður borgarstjóri þessi Ólafur F. Magnússon:

• Hann týnir engum minnismiðum en týnir þess í stað rusl til að gera umhverfið snyrtilegra. 
• Á þeim stutta tíma sem hann hefur setið hefur hann skorið upp herör gegn niðurníðslu miðbæjarins, sem staðið hefur í allt of mörg ár og sumir telja stafa af slugsi en aðrir jafnvel að sé úthugsuð.
• Hann er líður engin mannréttindabrot og ekki heldur að búa til  mannfrekt og fokdýrt apparat, til að sliga þrautpínda skatt- og útsvarsgreiðendur á samdráttartímum.
•  Þegar borgarstjóri heldur því fram að lög verði ekki brotin varðandi Fríkirkjuveg 11. þá treystir fólk því. 

Ekki farið á skjön við lög

Athugasemdir

[Hafsteinn Viðar Ásgeirsson, 27.4.2008 kl. 19:05]

það er alveg augljóst held ég, að Láfi er ekki mjög sterkur á svellinu það er ekki spurning um að hann á eftir að valda þarna tjóni, bara spurning hversu miklu.

[Guðmundur (IP-tala skráð) 27.4.2008 kl. 19:20]

Hann er tákn Sjálfstæðisflokksins í dag.

[Halla Rut , 28.4.2008 kl. 01:06]

Málið mitt vegna sonar míns var einmitt í vinnslu hjá Mannréttindaskrifstofunni.  Flott hjá þeim að loka á eina möguleika fólks í minni stöðu til að leita réttar síns án þess að fara í rándýrar málssóknir. 

Þorbjörg Helga formaður leikskólaráð hlýtur nú að brosa hringinn því nú þarf hún ekki að svara fyrir þau mannréttindabrot sem hún framdi gegn fötluðum syni mínum. 

[Sigurður Þórðarson, 28.4.2008 kl. 04:04]

Halla, ég þekki þitt mál, því er ekki lokið og ég heiti þér öllum mínum stuðningi. Það er til yfirdrifið nóg af stofnunum í landinu sem hægt er að leita til, þ.m.t. skrifstofa borgarstjóra. Ég treysti því að málið fái  skjótan og í öllu falli farsælan endi.

[Halla Rut , 28.4.2008 kl. 22:10]

Takk fyrir þetta Sigurður. Takk fyrir að senda bréf til borgarinnar fyrir mína hönd í dag. 

Foreldrar fatlaðra barna eiga ekki að upplifa sig alltaf sem annars flokks foreldri. Foreldrar fatlaðra barna eiga ekki að þurfa að berjast fyrir, nuða og suða um þá þjónustu fyrir börn sín sem þau eiga lagarlegan rétt á. Foreldrar fatlaðra barna eiga að eiga sama aðgang að skóla og leikskóla og önnur börn. Með öðrum orðum; Hér á að gilda jafnrétti.

Þeir sem annast þessi mál fyrir hönd borgarbúa eiga að hafa reynslu og kunnáttu til verka en ekki vera glansmyndapersónur sem hafa eingöngu eina sín á lífið þ.e.a.s. sína eigin. 

Þeir sem annast þessi mál fyrir hönd borgarbúa eiga að fara að landslögum og gæta velsæmis.

[Sigurður Þórðarson, 29.4.2008 kl. 00:05]

Takk Halla mín, Ólafur er réttsýnn og það er Kjartan Magnússon líka sem ætlar að líta á þitt mál. Þessir menn er þakklátir fyrir réttmæta gagnrýni til að geta gert betur. Þess utan er hægt að halda áfram með málið fyrir mannréttindafulltrúa Reykjavíkur gerist þess þörf að þínu mati. Annars vona ég að málið sé í jákvæðum farvegi, fólk læri af því og einsetji sér að gera betur næst.

[Ásthildur Cesil Þórðardóttir, 29.4.2008 kl. 18:30]

Vonandi fer allt vel með jafnréttið og fötluðu börnin í Reykjavík, þau eiga að hafa forgang í samfélaginu öllu að mínu mati, nógu erfitt er samt fyrir foreldrana að lifa og vera til. 

[Jens Guð, 30.4.2008 kl. 01:30]

  Það er fagnaðarefni út af fyrir sig að borgarbáknið sé ekki látið þenjast út í hið óendanlega.  En vissulega þurfum við að gæta þess að vandamál séu leyst.  Við erum ein stór fjölskylda og hlutverk okkar er að finna lausnir á vandamálum.

[Guðjón H Finnbogason, 30.4.2008 kl. 22:37]

Ert þú vinur hins flokkslausa Borgarstjóra?

[Sigurður Þórðarson, 30.4.2008 kl. 23:26]

Afsakið að ég hef ekki gefið mér tíma til að líta á bloggið. Ásthildur og Jens ég er sammála ykkur. Sæll Guðjón vinátta getur auðvitað gengið yfir flokksbönd en ég lít á Ólaf sem samherja. Hann náði fram helstu kosningamálum F-listans í málefnasamningi við sjálfstæðismenn í borgarstjórn. Þess utan er hann að standa sig með sóma í starfi.