"Enginn er spámaður í eigin föðurlandi"

Ástþór Magnússon er ef til vill skýrasta lifandi birtingarmynd þessara gömlu sanninda úr Biblíunni. Nú hefur þessi óvenjulegi ástríðu- og hugsjónapólitíkus ákveðið að leggja niður vopn í baráttu fyrir kosningu til embættis forseta lýðveldisins. Þess í stað hefur hann tekið sér stöðu í baklandi Ólafs Ragnars Grímssonar og gefur honum góð ráð í þágu málstaðarins, sem er heimsfriður. Ólíkt sitjandi forseta sem er "main streem" maður fer Ástþór óvenjulegar leiðir til að vekja athygli í brýnum málstað sínum og vekja, það sem honum finnst, sofandi almenning og siðblinda ráðamenn.  Og hvað svo sem mönnum finnst um aðferðir hans þá er eitt víst að hann hefur haft áhrif og áorkað ýmsu. Ástþór hefur til að mynda komist oftar í heimspressuna en allir sendiherrar og öll utanríkisþjónusta Íslands samanlögð. Þar er nærtækast að taka "jólasveinaflugið" til Bagdad, sem helt athygli heimspressunnar í 5 daga.  Mikilsverðasta  og kannski vanmetnasta framlag Ástþórs í þágu  Íslands var þegar hann vakti athygli á áætlunum Halldórs og Davíðs að nýta farþegavélar Flugleiða til að flytja vopn og hermenn  til  stríðsreksturs í Írak.  Sem betur fer fyrir öryggi íslenskra flugfarþega var hætt við þessa  ákvörðun.

Ástþór býður sig ekki fram

Athugasemdir

[Guðsteinn Haukur Barkarson, 27.4.2008 kl. 12:19]

hehehe .. góður Siggi minn!

[Rósa Aðalsteinsdóttir, 27.4.2008 kl. 16:10]

Sæll Siggi minn. Það er blesssssssuð blíðan. Úff Ástþór............

Kær kveðja/Rósa

                                                  

[Halla Rut , 27.4.2008 kl. 17:25]

Góð mynd af honum, þessi teiknaða.

[Guðrún María Óskarsdóttir., 5.5.2008 kl. 01:40]

Sæll Sigurður.

Sammála þér varðandi vanmetnasta framlag Ástþórs til þjóðmála, þe. ábendingin um það þegar Ísland var gert þáttakandi í stríðsrekstri sem eðli máls samkvæmt hefi átt að kalla á viðbrögð innanlands strax en gerði það ekki fyrr en eftir dúk og disk á stjórnmálavettvangi.

kv.gmaria.