Ísland í stjórnmálasamband við mannætu

Þó syrti í álinn í efnahagslegu tilliti geta Íslendingar ornað sé við  þann gríðarlega vöxt sem orðið hefur í utanríkisþjónustunni í tengslum við metnaðarfull áform ríkisstjórnarinnar að komast í öryggisráðið. Stjórnvöld hafa sýnt ráðdeild og hugvitssemi t.d. þegar þau skutu keppinautunum ref fyrir rass með því að efna til stjórnmálasambands við mannætu. Helsti kosturinn við þetta er sá að ef einhverjir stjórnmálamenn verða ekki endurkjörnir t.d. vegna mistaka í efnahagsstjórnun verður hægt að koma þeim fyrir öryggisráðinu.





Halldór Ásgrímsson stóð sig frábærlega sem utanríkisráðherra og engin ástæða er til að ætla að Ingibjörg Sólrún Gísladóttir verði eftirbátur hans. 

Alvarleg staða efnahagsmála

Athugasemdir

[Rósa Aðalsteinsdóttir, 12.4.2008 kl. 12:16]

Sæll Siggi minn.

Hm, stóð Halldór Ásgrímsson sig vel sem utanríkisráðherra? Er hægt að segja að viðkomandi hafi staðið sig vel að eyða fjármunum þjóðarinnar í glæsihallir út um allan heim.

Ingibjörg Sólrún er stöðugt á ferðalögum að komast í þetta snobböryggisráð sem þýðir gífurlegt aukin útgjöld ríkisins í ekki neitt.

Nú er komið nóg og ríkisstjórn Íslands þarf að stokka upp spilin, forgangraða uppá nýtt. Fólkið í þessu landi á að vera í forgangi en ekki spilling, snobb og sukk.

Tek það fram að þú ert að tala öfugmæli. Við skiljum nú ágætlega hvort annað.

Baráttukveðjur fyrir réttlætinu.

Kær kveðja/Rósa

[Óskar Arnórsson, 12.4.2008 kl. 13:28]

það mætti mín vegna flytja inn nokkrar mannætur og láta þær éta upp þessa Ríkisstjórn..alveg væri mér skítsama..

[Sigurður Þórðarson, 12.4.2008 kl. 14:06]

Sæl Rósa, Gulli Mannsi og Guðlaug gaman að sjá ykkur.

Rósa, ég biðst afsökunar á að hafa hælt Halldóri. Ég datt í það í gærkvöldi vaknaði snemma í morgun, hálf ryðgaður, og bloggaði þessa vitleysu. Þetta skrif verður að skoðast í því ljósi. Er búinn að vera í bloggfríi og ætlaði að koma aftur en þessi skandall, verður til þess að ég held áfram í fríi.

[Óskar Arnórsson, 12.4.2008 kl. 14:45]

Blessaður vertu ekki að fara að hætta að skrifa. Stórsniðug hugmynd að koma á sambandi við mannætur...

Láta þá hafa sendiráð hérna og mata þá með réttu fólki!

Nóg er af þeim hérna.. 

[Rósa Aðalsteinsdóttir, 12.4.2008 kl. 14:48]

Sæll Siggi minn

Þú platar mig nú ekki svona. Ég vissi alveg að þetta voru öfugmæli og háð. Þess vegna svaraði ég svona. Hvaða dúr getum við látið þessi skrif mín heita. Háðsdúr, reiðidúr, ruddadúr eða nöldurdúr????

Það þýðir ekkert að krossleggja hendur núna og láta sig hverfa. Haltu áfram að láta þetta lið heyra það og það óþvegið.

Baráttukveðjur/Rósa

[Ásthildur Cesil Þórðardóttir, 13.4.2008 kl. 12:38]

[Ásdís Sigurðardóttir, 17.4.2008 kl. 12:02]

Æ, þessir stjórnmálamenn eru ekki alveg að standa sig þessa dagana, vikurnar og mánuðina.  Hafðu það gott minn kæri.

[Margrét St Hafsteinsdóttir, 18.4.2008 kl. 22:09]

Maður á aldrei að blogga þegar maður er fullur

Svo má líka éta fólk á ýmsan hátt.  Sumir eru kryddaðri en aðrir

[Rósa Aðalsteinsdóttir, 20.4.2008 kl. 01:16]

Christian Glitter by www.christianglitter.com

Sæll Siggi minn.
Er fjör hjá þér?
Kær kveðja/Rósa