Erlend glæpagengi og fjölmenningarleg slagsmál

Yfirgnæfandi meirihluti útlendinga sem hingað koma til að vinna er gott og gengt fólk. En það eru gömul og ný sannindi að misjafn sauður getur leyst í mörgu fé og skiptir þá ekki máli uppruni fjárins. Til að aðskilja hafra frá sauðum lögðu Frjálslyndir til að heilbrigði og sakaferill erlendra aðila sem hingað flyttust yrði kannaður og hlutu að launum ramakvein vinstriflokkana sem ásökuðu Frjálslynda um rasisma. Jafnvel hinn prúði Geir Haarde tók þátt í þessu og þóttist sárna persónulega vegna þess að hann væri hálf norskur og þótti að sér vegið.  Morgunblaðið fylgdi í kjölfarið og strengdi þess heit að segja ekki frá uppruna meintra brotamanna. Þessi móðursýki er nú rénuð og raunveruleikinn blasir við. Heiðarlegir Pólverjar skelfast að fá lítinn en skuggalegan hóp samlanda sinna sem muni plaga þá og koma á óorði að ósekju. Morgunblaðið sem lofaði að leysa fjölmenningarleg vandamál með þögn birtir í dag fréttina: "Pólsk glæpagengi herja á aðra Pólverja hér"

 

Þessi lífvörður rússnesku mafíunnar er sagður vera illskeyttari en hann lítur út fyrir. Frjálslyndir vilja ekki að hann fái atvinnuleyfi hér. 

Pólsk glæpagengi herja á aðra Pólverja hér

Athugasemdir

[Jens Guð, 24.3.2008 kl. 02:22]

  Staðreynd númer 1:  Glæpir framdir af Pólverjum á Íslandi er undir meðaltali af glæpum frömdum af Íslendingum.

  Annað atriði:  Í okkar fámenna samfélagi eiga lögregla og dómstólar að hafa öll þau tök á að afgreiða útlend glæpagengi með uppvöðslu þannig að þau séu strax kveðin í kútinn.  Dómsstólar hafa þegar klikkað á þessu og verið er að skera niður hjá embætti lögreglu í Reykjanesi.  Þessu verður að kippa í lag undir eins.  Hvað er Björn Bjarnason að pæla?

[Halla Rut , 24.3.2008 kl. 03:32]

Jens: Kæri vinur minn.

1) Þetta eru gamlar tölur sem þú vitnar til. Einu tölurnar sem liggja fyrir eru frá 2006 og eru marklausar með öllu í dag. Hvernig heldur þú að tölur frá 2008 muni líta út?

2) Sammála.

[Jóhanna Magnúsar- og Völudóttir , 24.3.2008 kl. 08:09]

Ég held að við þurfum að herða okkur á öllum sviðum í löggæslu og eftirliti. Það er mikil óstjórn í landinu að mínu mati  og þurfum við í glæpamálum sem öðrum málum að einbeita okkur að forvörnum. Á þessu ,,high season"tíma  málshátta: páskunum,  á vel við málshátturinn um að betra sé að byrgja brunninn áður en barnið dettur í hann. 

Annars vona ég að þú hafir átt góða páska, kveðja frá mér og Tryggva héðan úr Minni-Borgum.

[Ásdís Sigurðardóttir, 24.3.2008 kl. 13:05]

Þetta er allt í hönk, en er þetta ekki Viggó Mortensen á litlu myndinni??

[Ásthildur Cesil Þórðardóttir, 24.3.2008 kl. 15:52]

Já það eru sumir farnir að sjá að Frjálslyndir töluðu skynsamlega, en það er ekki hægt að viðurkenna það. 

[Einar Skúlason (IP-tala skráð) 24.3.2008 kl. 16:03]

Það verður hægt að ræða þetta í þaula á ráðstefnu um útlendinga og afbrot á Íslandi, sem verður haldin þann 18. apríl í Salnum í Kópavogi. Þar verða birtar nýjar tölur um fjölda afbrota og einnig verður birt skýrsla um fjölmiðlaumfjöllun á síðasta ári. Ég hvet þá sem hafa áhuga á málinu að fjölmenna á ráðstefnuna, vega og meta gögn og taka þátt í málstofum.

kveðja,

Einar Skúlason (vinn í Alþjóðahúsinu)

[Sigurður Þórðarson, 24.3.2008 kl. 17:36]

Sæll Jens þakka þér fyrir þitt góða innlegg, ég þekki sjálfur marga Pólverja og allri eru þeir ágætis fólk. Því þótti mér gaman að heyra þessar tölur sem þú nefndir og þær komu mér ekki á óvart. Tölur og rannsóknir erlendis frá sýna að fjölmenning kallar á meiri löggæslu og því skýtur þetta skökku við hjá Birni. Þakka þér fyrir innlitið Halla það verður vonandi ekki mikil breyting til hins verra. Ég tek undir með þér Jóhanna og sendi ykkur Tryggva bestu páskakveðjur. Sæll nafni, við erum sammála um að þeir hefðu getað gert betur. Þakka þér fyrir þitt góða innlegg Erlingur, ég náði ekki að fylgjast með þér á mótinu. Annars langar mig dálítið að reyna að fá þig í skákdeild Þróttar. Sæl Ásdís Sig, þetta var fyndið komment hjá þér. Ég hefði tekið áhættu með því að setja mynd af blásaklausum manni í þessu samhengi. Ég tek líka áhættu með því að birta mynda af manni úr öflugum glæpasamtökum. Af tvennu illu valdi ég þó seinni  kostinn, í von um að hann hafi öðrum hnöppum að hneppa en að pæla í bloggsíðu á Íslandi. Einar Skúlason, takk kærlega fyrir þessar gagnlegu upplýsingar.

[Sigurður Þórðarson, 24.3.2008 kl. 17:42]

Ágæta vinkona, Ásthildur, ég bið afsökunar á að mér yfirsást þitt innlegg sem ég þarf auðvitað ekki að segja að ég sé sammála en geri það samt.

[Óskar Arnórsson, 24.3.2008 kl. 18:28]

Það er fyrir löngu kominn til landsins skipulagður hópur "foringja" sem bíða átekta.

Þeir eru líklegast að "testa" íslensk viðbrögð lögreglu og dómstóla, og  sem ganga um götur Reykjavíkur og eru með alla pappíra í lagi og hrein sakavottorð. Þeir sem hafa verið teknir hingað til eru bara "vinnumenn" hjá þessum köllum..

Og ég get ekki betur séð að þeir ættu að vera ánægðir með sínar niðurstöður hingað til..

Var einmitt að skrifa um þetta mál á blogginu mínu fyrir nokkrum mínutum síðan.. 

[Jens Guð, 24.3.2008 kl. 18:52]

  Kæra Halla Rut,  hjá Fangelsismálastofnun er hægt að fá tölur sem ná fram til þessa dags.  Það eru hálft níunda þúsund Pólverja á Íslandi.  Í fyrra,  eins og fyrri ár,  voru Pólverjar á Íslandi hlutfallslega löghlýðnari en Íslendingar.  Núna,  í 3ja mánuði ársins,  getum við ekki sagt til um það hvernig staðan verður eftir næstu rösklega 9 mánuði.  Fjáreyingar geta þess vegna áður en árið er liðið í aldanna skaut ráðist á Ísland og hertekið þjóðina. 

[Sigurður Þórðarson, 24.3.2008 kl. 20:21]

Jens, án þess að ég þekki nokkuð til málsins veit ég að það er ekki fullt samræmi milli dóma og hverjir og hve margir sitja í fangelsi.  Sumir (útlendingar) eru sendir úr og aðrir (Íslendingar) koma heim til að afplána

[Jens Guð, 25.3.2008 kl. 01:26]

  Siggi,  það er alveg nýtt dæmi og einskorðast við 2008 að glæpamenn frá Eystrasaltslöndum afpláni fyrir afbrot á Íslandi í heimalandi. Ég er ekki talsmaður útlendra glæpamanna á Íslandi.  Þvert á móti þá fordæmi ég dugleysi dómsmálaráðuneytis fyrir vettlingatök á útlendum glæpamönnum,  niðurskurð á löggæslu á Reykjanesi og dómara sem taka með silkihönskum á ofbeldisfullum dópsölum sem ráðast á íslenska lögreglumenn.  Björn Bjarnason er uppteknari af að koma upp leyniþjónustu og uppteknari af bíómyndum með Bruce Willis en að taka með festu á uppvöðslu útlendra glæpagengja.  Eins og það á þó að vera auðvelt fyrir okkar fámenna samfélags að kveða allt slíkt í kútinn.  Kæfa svoleiðis í fæðingu.

  Kíkjum síðan aðeins út fyrir Ísland.  Í Fjáreyjum sitja inni tveir íslenskir dópsmyglarar og nýlega dæmdur íslenskur þjófur.  Fyrir nokkrum árum las ég um að 27 þjófnaðir hafi verið kærðir í Þórshöfn.  Af þeim sem komust upp voru gerendur í öllum tilfellum Íslendingar og Grænlendingar.   

[Óskar Arnórsson, 25.3.2008 kl. 02:48]

Kæri Jen Guð! Tölur frá Fangelsismálastofnun segir bara frá þem sem sitja inni. Engar tölur um þá sem EKKI sitja inni. Svo er það siður að falsa sköl í þeirri stofnun þegar einhverjar skýrslur þurfa að líta vel út...til ráðuneytis t.d...

[Sigurður Þórðarson, 25.3.2008 kl. 12:07]

Takk fyrir athugasemdirnar Óskar og ekki síður þér fyrir þína góðu athugasemd Jens, sem ég er algörlega sammála.  Ég er satt að segja svo mikið sammála þér að þrátt fyrir miklar meiningar hef ég nákæmlega engu við að bæta.