Neytendastofa hefnir sín.

Einhver stærstu mistök sem ég hef gert í lífinu voru þau að leita til Neytendastofu, sem úrskurðaði degi áður en frestur sem áfrýjunarnefnd neytendamála gaf stofnuninni til að svara kæru vegna óhæfilegs dráttar á málinu.  Áður hafði undirritaður spurt innanríkisráðuneytið hvernig stæði á því að lögmaður Eggerts Kristjánssonar hf hefði fengið að gefa upplogna skýrslu fyrir Neytendastofu án þess að það lögbrot hefði verið kært til lögreglu.  Af þessu tilefni spurði ég innanríkisráðuneytið skriflega um hver afstaða þess væri til slíkra lögbrota.  Ráðuneytið svaraði undirrituðum skriflega og viðurkenndi að lögbrot hefði verið framið. Það er borgaraleg skylda mín að var við þessari stofnun. 

Ég fagna því að úrskurður sé nú  kominn því þá er hægt að skjóta málinu til dómstóla.  

Engin hætta á ruglingi á umbúðum

Athugasemdir

[Óskar Helgi Helgason (IP-tala skráð) 7.11.2012 kl. 00:19]

Sæll Sigurður; æfinlega !

Árna þér; allra heilla, með þennan áfangasigur, en,,................... gættu þín á vélráðum Kommúnistans í Innanríkisráðuneytinu.

Ljósastaurarnir; í götunni hér heima í Hveragerðis og Kotstrandar skírum, eru trúverðugri og marktækari, en viðrinið Ögmundur Jónasson, úr Leirársveit vestur, fornvinur góður.

Með beztu kveðjum; sem jafnan /

[Kristján P. Gudmundsson, 7.11.2012 kl. 09:31]

Ég samfagna þér, Sigurður bloggvinur, og vona, að þú fylgir málinu eftir fyrir dómstólum vonandi til sigurs.

Kv.,KPG.

[Sigurður Þórðarson, 7.11.2012 kl. 10:09]

Takk það mun ég gera

[Ásthildur Cesil Þórðardóttir, 7.11.2012 kl. 14:21]

Ótrúlegur andskoti að geta ekki treyst "óvilhöllum" stofnunum.   Gangi þér vel með þetta Sigurður minn.

[Sigurður Þórðarson, 7.11.2012 kl. 17:26]

Ég var blekktur til að fara með þetta mál í stofu.

[Guðni Th. Jóhannesson (IP-tala skráð) 9.11.2012 kl. 21:39]

Sæll vertu,

sá fróðlega athugasemd þína á bloggi Jóns Magnússonar um tilburði Lloydsman þegar þú varst á Albert í 50 mílna deilunni. Er að safna heimildum um þessi átök og þætti fróðlegt að vita hvort þú gætir sagt mér aðeins betur frá þessu, t.d. bara í tölvupósti, [e-mail] Afsakaðu kvabbið, með kveðju, Guðni Th. Jóhannesson

[Sigurður Þórðarson, 11.11.2012 kl. 16:23]

Ekkert er sjálfsagðara Guðni en að upplýsa það sem er sannast og réttast. Ég man reyndar ekki hvað ég sagði á hjá Jóni. Ef til vill var það um hvernig herskipin ráku varðskipin í kvíar til að dráttarbátarnir gætu hamrað þau. Þarna lærðum við að BBC er ómarktæk í stríðasátökum.

Ég hef margrekið mig á að yngra fólk neitar að horfast í augu við að þetta hafi gerst.  

Svo finnst mér alltaf jafn leiðinleg hin "hlutlausa"  aðferðafræði: BBC sagði þetta og RUV hitt "þá deilum við í með tveimur og það hlýtur að vera sannleikurinn".  Næg eru vitnin bæði á varðskipunum, dráttarbátunum og herskipunum.