Þegar konur breytast í karla

Öngvar konur meðal eigenda fjölmiðla segir í ályktun fjölmiðlakvenna. 

Menntamálaráðherra fer með eina hlutabréfið í RUV. Hann hlýtur að vera karl.

Kvótadrottningin í Vestmanneyjum er stundum sögð ríkast einstaklingur á Íslandi og á meðal annars stærstan hlut í Morgunblaðinu. Eitt sinn var hann með börn á brjósti.

Baugsfjölskylduna, sem á 365 miðla þarf ekki að tala um þar eru eintómir karlar. Því til sönnunar get ég nefnt að eiginmaður stjórnarformannsins er Jón Ásgeir.

En það er svo stutt síðan hin kvennalega Lilja Skafta keypti DV að hún gæti ekki hafa umbreyst í karl á svo skömmum tíma.  Það er líka óþarft að gleyma einu frjálsu og óháðu útvarpsstöðinni Útvarpi Sögu sem var síðast þegar ég vissi undir styrkri stjórn Arnþrúðar Karlsdóttur. 

 

Fjölmiðlakonur harma átök

Athugasemdir

[Jens Guð, 8.5.2010 kl. 19:59]

  Þarna virðast fjölmiðlakonur hafa farið töluvert fram úr sér.  Raunveruleikinn er sá að konur eru með ráðandi stöðu sem eigendur ALLRA dagblaðanna og helstu ljósvakamiðlanna.  Það er af sem áður var fyrir aðeins örfáum árum.

[Sigurður Þórðarson, 8.5.2010 kl. 21:41]

Jens er Ingvi Hrafn samt ekki örugglega kona?

[Jens Guð, 8.5.2010 kl. 22:10]

  Hann segist að minnsta kosti vera harðlínu femínisti.  Án þess að ég vilji fjalla um það af léttúð þá hef ég það eftir honum að hann hafi eitt sinn sem oftar hugsað til látinnar dóttur sinnar og velt fyrir sér hvernig hún hugsaði væri hún á lífi:  Róttæk í skoðunum eins og kallinn og fylgin sér.  Niðurstaða hans var sú að hún hefði orðið femínisti.  Hann ákvað þá að taka sér stöðu með henni og verða femínisti.

[Anna Sigríður Guðmundsdóttir, 9.5.2010 kl. 23:13]

Það sem við kerlingarnar verðum að skilja er það að sjálfstæði og frami hvers og eins er einungis raunverulegur ef við ryðjum brautina sjálfar.

Það kemur ekki einhver karl og ryður framabraut fyrir konu og segir svo: gjörðu svo vel kona góð að stjórna bæði þinni frama-brautar-starfsemi og kúgar mig í leiðinni?

Allir hafa möguleika á að standa með sjálfum sér í baráttumálum sínum, en það getur kostað gífurlegar fórnir fyrir konur sem eru mæður samtímis!

Konur geta krafist jafnra launa fyrir sömu vinnu, og allt annað er ekki kynbundið heldur persónu-einstaklings-bundið! M.b.kv.