Ógeðsdrykkurinn Æsseif inniheldur ekki harðfisk, hákarl, slátur og sviðakjamma

Æsseif, eins og hann lítur út í glasinu, er óheilsusamlegur ógeðsdrykkur og það ætti ekki að neyða neinn mann til að innbyrða hann og allra síst heila þjóð.  Dr. Gauti B. Eggertsson (bróðir Dags B Eggertssonar) telur algerlega nauðsynlegt að þjóðin kyngi drykknum og varar við því að stjórnin falli verði það ekki gert.

"Um hvað yrði nýja ríkisstjórnin? Icesave, jú það er væntanlega málið að fella þann samning? Og svo yrði líklega fyrsta verk hinnar nýju ríkisstjórnar að draga til baka umsókn í ESB? Væri það óneitanlega táknrænt um einangrun landsins. Kannski rétt að segja sig úr nato líka og sameinuðu þjóðunum? Taka bjart í sumarhúsum á þetta?
Fara að snúa sér aftur að því að lifa á harðfiski, hákarli, slátri og sviðakjömmum?"

Er verið að lofa þjóðinni því að hún losni við harðfisk, hákarl slátur og sviðakjamma með því að kyngja ógeðsdrykknum í einum gúlsopa?

Ásmundi bónda mæltist vel í Kastljósi  í kvöld þegar hann sagðist vilja  sjá atkvæðagreiðsluna fara 63:0  "Þetta er ekki flokkspólitískt mál og þjóðin hefur alls ekki efni á að skiptast í fylkingar núna" sagði bóndinn. 

Financial Times fjallar um Icesave-deiluna

Samviskulaus barnanauðgari náðist

Það var frábært framtak hjá þýsku lögreglunni að svæla barnaníðinginn  "Christof" úr greninu með því að birta af honum myndir og raddsýni þannig að  hann sá sér ekki annað fært en að gefa sig fram. Þetta þqxyzw  beitti kornunga drengi skefjalausu ofbeldi, sem er miklu þyngra en tárum taki.   Ég vona að yfirvöld hér heima og erlendis læri af þessu og sleppi ekki aftur svona  þqxyzw út á götu "af mannúðarástæðum".

 Ath!  Meðfylgjandi myndband er ekki af Christof enda eru þau ekki birtingarhæf.

Barnaníðingur gaf sig fram

Ástir górillu og manns Varúð ! Ekki fyrir viðkvæma.

Það er þekkt úr dýraríkinu að spendýr sem öll eru talsvert skyld, eiga það til að flökta á milli tegunda í viðleitni sinni til að fjölga sér. Ekki má líta af hestum og ösnum nú eða köttum og tófum.  Maðurinn er engin undantekning á þessu flippi spendýranna, hann er skyldastur öpum og HIV sýking kemur aðallega úr simpönsum en nú einnig úr górillum. Sama má segja um sárasóttina (sýfilis) sem kom til Evrópu úr lamadýrum  í S-Ameríku sem siðmenntaðir kristnir Spánverjar lögðu undir sig.

Á stríðsárunum voru tveir amerískir úrvalshermenn staðnir að því að hafa samræði við kvígu og var þessi vísa þá ort:  

Ef að þetta úrvalslið// iðkar kálfasmíði//Hverju ætli úrkastið//í Ameríkunni ríði?

Greindist með nýtt afbrigði HIV

Gamla og Nýja Kaupþing sammála um að leyna ósómanum

Það gengur ekki hnífurinn á milli Gamla og Nýja Kaupþings í ákefðinni að koma í veg fyrir umfjöllun um vinnubrögð Gamla Kaupþings. Það er hvorki sanngjarnt né rétt að  bankinn  beiti fyrir sig bankaleynd því upplýsingar úr lánabókum eru komnar fram. Það er umfjöllunin og hugsanleg krufning upplýsinganna sem bankanum er illa við.

 Það má víst enginn sjá sporin.

Kaupþing fékk lögbann á RÚV

AGS frestar mjög gott mál

Hvernig væri að menn hættu að eyða öllum sínum tíma í að taka lán en færu þess í stað að einbeita sér að því að þéna og skapa verðmæti? Maður hálf sammast sín fyrir íslenska ráðherra sem ferðast um heiminn vítt og breitt til að sníkja lán og bjóðast jafnvel til að samþykkja að afsala komandi kynslóðum griðum ótímabundið og óafturkallanlega (Icesave) einungis ef hægt sé að fá meiri lán.  Maður hefur heyrt óhuggulegar sögur um heróínneytendur en ráherrastóðið og sendinefndir þeirra slá öll met.

Á sama tíma er Breiðafjörðurinn fullur af makríl, sem  étur loðnu og sandsíli og ekki má veiða af því að einhver vill koma sér  í mjúkinn hjá Evrópusambandinu en klapp á bakið er létt í vasa.  Í Breiðafirðinum er líka óvenjumikið af skötusel sem þarf að fleyja af því að enginn er með kvóta.  Að friða þorsk og skötusel í sama firðinum er jafn gáfulegt og að friða hænur og mink í sama búri. 

Skuldugasta þjóð í heimi þarf ekki meiri lán hún  að borga l án og því er neitun AGS  það besta sem gat komið fyrir Ísland í þessari stöðu.  Fyrsta skrefið er að viðurkenna vandamálið.

Afgreiðslu AGS frestað

Ögmundur forðar þjóðinni frá Icesave slysi

Ögmundur Jónasson kemur mér fyrir sjónir sem vandaður maður sem vex með hverjum vanda.

Auðvitað er það rétt hjá Ögmundi að þjóðin á að kjósa um Icesave.

Það á ekki að vera í verkahring mistækra stjórnmálamanna við eftirlaunaaldurinn að skuldsetja komandi kynslóðir um ófyrirséða framtíð.

Ekkert mál of snúið fyrir þjóðina

Jóhanna á móti tortryggni gagnvart Icesave

Jóhanna varar við tortryggni gagnvart Icesave en hún hefði betur sýnt meiri aðgæslu varðandi þessa afleitu samninga því nú hefur henni verið bent á að vaxtagreiðslur upp á 300 milljarða er ekki forgangskrafa í eignir Landsbankans. Jóhanna segir samt að fólk skilji bara ekki hvað endurskoðunarákvæðið sé svakalega gott og raunar alveg einstakt. Þess vegna verður að kaupa lögfræðiálit væntanlega frá einhverjum samfylkingarlögfræðingum til að útskýra sinn skilning  á því. Það er þó merkilegt´miðað við allan þann fjölda lögmanna sem tjáð hafa sig um málið að enginn virðist vilja hæla þessu í sjálfboðavinnu  Hún segist sjálf svekkt yfir að þurfa að borga þetta en ef lánið verður ekki gjaldfellt fellur það ekki með fullum þunga fyrr en hún verður komin vel á níræðisaldurinn.

Nú þarf velviljað fólk að forða þessari fullorðnu og góðu konu frá því að fremja þennann gjörning svo hún þurfi ekki að þjást í hárri elli yfir að hafa komið þjóð sinni á vonarvöl. 

 

Tortryggni í samfélaginu

Borgarstjórnin djammar fyrir útsvarið

Núna á dögunum var það upplýst að veislu og risnukostnaður lækkaði um 40% í krónum talið í borgarstjóratíð Ólafs F. Magnússonar frá því sem áður hafði verið.  Ferða- risnu og veislukostnaður rauk svo aftur upp úr öllu valdi eftir að Framsókn koma aftur inn. Nú segir borgarstjórnin að sparnaðartillögur Ólafs séu óþarfar og því rétt að vísa þeim frá enda hafi borgarstjórnin séð sig um hönd.

Guð láti gott á vita, því batnandi mönnum er best að lifa.

Aðhald í ferðakostnaði borgarinnar

Góðar fréttir fyrir Frjálslynda flokkinn

Ef marka má kynni mín af starfi Kristins H. Gunnarssonar í Frjálslynda flokknum get ég ekki annað en ályktað að það styrki hvern flokk að Kristinn gangi úr honum.  Eftir þessu hefur lengi verið beðið.

Frjálslyndi flokkurinn hefur langbestu málefnastöðu allra flokka en geldur fyrir að hafa verið stjórnlaus lengi spurningin er hvort þessar góður fréttir komi of seint eða  leiði til þess að flokkurinn nái vopnum sínum aftur skal ég ekki fullyrða. Guð láti gott á vita.  

 

 Það var meira sungið og brosað áður en Kristinn kom.             

Kristinn hættur í þingflokki frjálslyndra

Ný skoðanakönnun um hvalveiðar

Því hefur varið haldið fram af fylgjendum hvalveiða að Íslendingar þurfi á gjaldeyrinum og atvinnunni að halda. Jafnframt er því haldið fram að hvalir éti 20 sinnum meira en við veiðum.

Hvalverndarmenn halda því fram að hvalveiðar skaði ferðaþjónustu. Auk þessmuni Evrópusambandið ekki leyfa hvalveiðar ef Íslendingar ganga í það.

Margir veitingahúsaeigendur hafa sagt að hvalkjöt sé ekki síst vinsælt meðal útlendinga.

Hvorn málstaðinn styður þú?   Er hvalkjöt lostæti eða viðbjóður?

Ákvörðun um hvalveiðar í endurskoðun