Gamla og Nýja Kaupþing sammála um að leyna ósómanum

Það gengur ekki hnífurinn á milli Gamla og Nýja Kaupþings í ákefðinni að koma í veg fyrir umfjöllun um vinnubrögð Gamla Kaupþings. Það er hvorki sanngjarnt né rétt að  bankinn  beiti fyrir sig bankaleynd því upplýsingar úr lánabókum eru komnar fram. Það er umfjöllunin og hugsanleg krufning upplýsinganna sem bankanum er illa við.

 Það má víst enginn sjá sporin.

Kaupþing fékk lögbann á RÚV

Eva Joly, málsvari Íslands.

Íslensk stjórnvöld eru buguð. Þau tala ekki máli Íslands, þó aldrei hafi verið meiri þörf á því en einmitt nú. Þvert á móti samþykkja þau alla uppgjafaskilm´la sem að þeim eru réttir í von um að geta slegið meiri lán og ofurselja þannig framtíð komandi kynslóða ef þær kysu að búa hér á landi.

Það voru ekki hin daufgerðu íslensku stjórnvöld sem fengu Evu Joly, það var Egill Helgason og ólíkt hafast þau að. Evu Joly, hefur tekið sér það hlutverk að gerast málsvari Íslands. 

Takk elsku Eva!  Takk fyrir mig, börnin mín og þjóðina mína, allt fólkið sem mér þykir vænt um.  Takk.

Stöndum ekki undir skuldabyrði

AGS frestar mjög gott mál

Hvernig væri að menn hættu að eyða öllum sínum tíma í að taka lán en færu þess í stað að einbeita sér að því að þéna og skapa verðmæti? Maður hálf sammast sín fyrir íslenska ráðherra sem ferðast um heiminn vítt og breitt til að sníkja lán og bjóðast jafnvel til að samþykkja að afsala komandi kynslóðum griðum ótímabundið og óafturkallanlega (Icesave) einungis ef hægt sé að fá meiri lán.  Maður hefur heyrt óhuggulegar sögur um heróínneytendur en ráherrastóðið og sendinefndir þeirra slá öll met.

Á sama tíma er Breiðafjörðurinn fullur af makríl, sem  étur loðnu og sandsíli og ekki má veiða af því að einhver vill koma sér  í mjúkinn hjá Evrópusambandinu en klapp á bakið er létt í vasa.  Í Breiðafirðinum er líka óvenjumikið af skötusel sem þarf að fleyja af því að enginn er með kvóta.  Að friða þorsk og skötusel í sama firðinum er jafn gáfulegt og að friða hænur og mink í sama búri. 

Skuldugasta þjóð í heimi þarf ekki meiri lán hún  að borga l án og því er neitun AGS  það besta sem gat komið fyrir Ísland í þessari stöðu.  Fyrsta skrefið er að viðurkenna vandamálið.

Afgreiðslu AGS frestað

Örlaganornirnar og icesavesamninganefndin

Sífellt koma fram fleiri ábendingar um vankunnáttu og axarsköft hjá Icesave samninganefndinni. Nú hefur komið í ljós að rótina má rekja til misskilnings nefndarmanna á fornri þjóðtrú.

Urður er myndgervingur fortíðarinnar, Verðandi nútímans, og Skuld framtíðarinnar.

 Skálarræðan:

„Það er lykillinn að hamingju og dyggð að elska örlög sín, nauðugur viljugur.“

 

 

Lánið stoppar á Icesave

Opið bréf til allsherjargoða

                                                                                  Ágæti allsherjargoði.

Mörgum er ofarlega í huga hvenær landvættirnar muni grípa í taumana og blanda sér í stjórnmálabaráttuna með afgerandi hætti?

Við ásatrúarmenn og raunar allir Íslendingar aðhyllumst frelsi andans, samt er það æði oft svo að maður leiðir ekki hugann að forræðinu fyrr en það bitnar á manni sjálfum.

Hingað hafa jafnan borist stefnur og straumar utan úr hinum stóra heimi, nú síðast Evrópuhugsjónin, allt hefur þetta gengið yfir eins og flensurnar. 

Forræðishyggjumönnum til yndisauka en gömlum sjómanni, vini mínum til ama eru verjur einungis leyfðar í einni EB-stærð og hefur hann því þurft að útvega sér þessa munaðarvöru frá Ameríku, þar sem enginn amast við því að þessi vöðvi, sem ekki má nefna, sé ekki af staðlaðri stærð.   Við brosum kannski að þessum vandræðum vinar míns sem ber harm sinn í hljóði.

Nái óskir samforræðishyggjumanna  fram að ganga verður Kjartani sægreifa innan tíðar gert að hætta að selja vinsælasta réttinn sinn hvalkjöt.

Hvalveiðimennirnir, segja sambræðingssinnar og yppta öxlum: Geta þeir ekki fundið sér eitthvað annað? Það skapast ný mörg störf þegar fjölgar um rúman helming í ráðuneytunum.

Kannski rekur það mig til að hafa samkennd með þessu fólki að ættingjar mínir hafa komið saman svo lengi sem elstu menn muna og borðað ólöglegar afurðir þ.e. sel, þetta köllum við selskap sem við hugsum ávalt til með mikilli tilhlökkun.  Nú skilst mér að þetta sé þyrnir í augum Evrópuhugsjónamanna sem myndu heldur vilja sjá okkur  Skógarnesinga borða evrópskt svínakjöt.

Allt eru þetta þó smámunir í samanburði við þá fyrirætlan Evrópuhugsjónamanna að gera okkur frjálsborna Íslendinga ásamt óbornum niðjum okkar að Ísþrælum, "sem afsala sér griðum óafturkallanlega og ótímabundið" (Icesave samn.), til þess eins að kaupa aðgöngumiða í "Kæfubelginn Brussel".

Því heiti ég á þig ágæti allsherjargoðai, að þú beitir tafarlaust áhrifum þínum við landvættirnar þannig að  þær bægi þessari ógn, Evrópuhugsjóninni, frá landinu áður en hún veldur hér skaða.

 

 

 

Frestun Icesave slæmur kostur

Menntaðasti evrópufræðingur Íslands hefur talað

Dr. Elvira Mendez, er án efa langmenntaðasti sérfræðingur á Íslandi í Evrópurétti.Það er sorglega lýsandi fyrir vanhæfni ríkisstjórnarinnar í þessu Icesave deilu að þessari eldkláru konu skyldi ekki hafa veið boðið að leiða samninganefndina eða að minnsta kosti eiga sæti í henni. Og til að bíta höfuðið af skömminni bar sendiherra fenginn til að leiða nefndina, rétt eins og hæfniskröfurnar fælust í því hver væri vanastur í að skála fyrir væntanlegu samkomulagi!

Þegar Steingrímur var spurður af hverju hann hefði ekki reynt að fá DR. Elviru, sagði hann að það væru takmörk fyrir því hvað hægt væri að eyða í sérfræðinga. "Það væri enginn skortur á sérfræðingum sem vildu gefa ráð gegn háu gjaldi." Elvíra svaraði þessu á fundinum í Iðnó og sagðist myndi hafa gert þetta ókeypis ef eftir því hefði verið leitað. Málsvörn ríkisstjórnarinnar fólst í því að kaupa eftirá lögfræðiálit hjá lögmanni sem er hvorki sérfróður í þjóðar- né Evrópurétti.

Dr. Elvíra er hógvær en henni en henni misbýður framkoma Evrópusambandsins gagnvart Íslandi.

Misbýður umgjörðin um Icesave

Óformleg krafa Árna Þórs: "Mældu rétt strákur"

„Ég er alveg stórundrandi á þessu. Þetta fólk er boðað hingað sem lögfræðingar Seðlabankans og þá væntir maður þess að það sé að tala í nafni sinnar stofnunar. Það gefur því auðvitað ákveðna vigt í sjálfu sér. Þau gagnrýna ýmislegt í þessum samningi en gagnrýnin verður að vera á réttum forsendum. Það má ekki villa á sér heimildir,“ segir Árni Þór Sigurðsson.

 Ríkisstjórnin ætlaðist til þess að  Seðlabankinn veitti jákvæða umsög um Icesave samninginn og því var yfirlögfræðingi bankans falið að draga úr  gagnrýninni , það gerði hann svona: 

"Fulltrúar Seðlabankans voru kallaðir á fund þingnefnda vegna Icesave-málsins, í krafti stöðu sinnar, en töluðu samkvæmt bréfi aðallögfræðings Seðlabankans sem einstaklingar."       

Þá vaknar  spurningin hvort aðallögfræðingur Seðlabankans sé sem einstaklingur að skrifa svona furðulegt bréf  í þá einstaklingsins Svavars Gestssonar og einhverra einstaklinga í ríkisstjórninni  sem kunna að vera vinir hans.

Með því að formaður utanríkisnefndar krefjist þess að litið verði á lögfræðinga Seðlabankans sem einstaklinga og haldi því fram að umsögn þeirra lykti af pólitík er hann að krefjast þess að sannleikanum verði hagrætt. Eða er Árni Þór kannski bara einstaklingur að velta óformlega vöngum yfir öðrum einstaklingum?

 

 

Ekki formleg umsögn Seðlabanka

RUV leyfir EB áróður undir yfirskini fræðslu

Vitað er að Evrópusambandið eyðir meiru í auglýsingar en CocaCola stærsti hluti auglýsingana fer til kynningarmála í tengslum við stækkunarferli. Undanfarið hefur Ríkisútvarpið tekið það upp hjá sér að vera með áróður fyrir Evrópusambandinu undir því yfirskini að um fræðsluefni sé að ræða. Átta "fræðsluþættir" hafa verið sýndir milli frétta og veðurs og til stendur að gefa út þessa svokölluðu "fræðslu"-þætti. Steininn tók þó úr ekki alls fyrir löngu þegar Ríkissjónvarpið sýndi grímulausan áróðusþátt sem þó var greinilega kynntur sem fræðsluefni um sjávarútvegsstefnu EB og var þulur Sjónvarpsins látinn lesa boðskapinn, sem samin var af Aðalsteini Leifssyni sem kynntur var sem kennari við Háskólann í Reykjavík. Í kynningunni var því þó ekki haldið til haga að hann hefði verið erindreki EB og fulltrúi Samfylkingarinnar í Evrópunefndinni. Áróður Aðalsteins var svo svæsinn að mér datt í hug að googla manninn og kom þá þetta í ljós: "European Union - EU
1998 - 2001
Delegation of the European Commission to Iceland and Norway
Ráðgjafi og uppýsingafulltrúi"

 

Efnið var greinilega kynnt sem fræðsluefni en þess ekki getið að nefndur maður hefur verið launaður erindreki EU og fulltrúi Samfylkingarinnar í evrópunefndinni.

Það sem mér finnst einkum aðfinnsluvert er ekki það að hann skuli eingöngu hafa dregið fram kosti og sleppt göllum aðildar heldur beinar rangfærslur og að enginn greinarmunur var gerður á Rómarsáttmála og tímabundnum reglum. Í besta falli mætti segja að “kynningin” hafi verið grunn og einhliða.

Þættirnir eru á RUV vefnum og verða gefnir út síðar. Ég hef því miður ekki tíma til að leita að þessu, allavega ekki núna.

Klækjabrögð eða nauðsyn?

Sjónhverfingar fjármálaráðuneytisins

Við skoðun Icesave samkomulagsins hafa komið í ljós margháttar afglöp samninganefndarinnar. Fjármálaráðuneytið hefur nú lagt fram útreikninga sem eiga að sýna að Íslendingar geti greitt Icesave. Í fyrsta lagi er horft fram hjá öðrum skuldum landsins en þar fyrir utan er gert ráð fyrir að þjóðarframleiðsla aukist á örfáum árum um 25% frá þeim tíma sem hún var mest!

Aukin landsframleiðsla. Ætli það sé í fjármálastarfsemi?  Mér er sagt að álverðið verði að vera 1650$ tonnið til að standa undir afborgunum af Kárahnjúkum til 40 ára auk vaxta.  Reyndar fór verðið hæst upp í 3300$ en lengst af hefur það verið undir þessum mörkum og því er Kárahnjúkavirkjun að sliga Landsvirkjun.

 Kárahnjúkavirkjun var á gígantígskan mælikvarða við íslenskt efnahagslíf en samt kostaði virkjunin ekki nema 100 milljarða. Samt ætla stjórnvöld að fara með skuldirnar upp í 2500 milljarða með því að leggja Icesave við þessa 1800 milljarða sem við skuldum nú þegar!!

Forystumenn þjóðarinnar, sem ætla að skuldsetja Ísland fyrir hærri upphæð en hægt er að greiða og gera óborna þegna landsins að Ísþrælum vegna hótunar Evrópusambandsins og ætla síðan að eyða 6-800 milljónir í samningaviðræður í þeim tilgangi að ganga í það sama samband starfa ekki í mínu umboði.  Það að þeir reyndu að halda samningnum leyndum jafnframt því að leyna lögfræðiálitinu  það er í mínum huga kornið sem fyllir mælinn. 

 

Ég ætlaði að birta myndir af Ragnari Reykás og Össuri Skarphéðinssyni en þær voru ekki tiltækar svo ég læt þetta duga:

1. Efri mynd Steingrímur J Sigfússon

2. Neðri mynd tvífari Össurar  Skarphéðinssonar

Sló ekki á fingurna á Ásmundi

"Dagar víns og rósa" Einkavæðing Jeltsíns Halldórs og Davíðs

Það voru ekki bara Halldór og Davíð sem ráðstöfuðu  náttúruauðlindum og eignum ríkisins til flokksgæðinga, vina og vandamanna. Það gerði Jeltsín líka. Hér er skemmtilegt myndband af þessum sprelligosa sem gaf kunningjum sínum olíuauðlindir Rússlands. 

Dýrt fyrir ríkið að selja banka