LÍÚ vill veðsetja makrílinn

Makríllinn er uppsjávarfiskur sem lifir á seiðum og hefur ekki áður sést  Íslandsstrendur og hann her ekki fyrr kominn en LÍÚ vill fá leyfi til að setja hann í kvóta til að hægt sé að veðsetja hann. Aðalatriðið er að Íslendingar nýti þennan stofn eins og þeir hafa rétt til.  Evrópusambandið er úti á túni að krefjast þess að við veiðum ekki makrílinn heldur fitum hann á íslenskum seiðum þangað til honum þóknast að synda út úr lögsögunni.

LÍÚ vill meiri makríl en Jón

Athugasemdir

[Fannar frá Rifi, 21.11.2009 kl. 00:37]

fannst þér nýtingin á makrílnum vera svo góð að þú vilt halda áfram að vera með frjálsasókn í heildar afla? verðmætum hent í bræðslu? kvótakerfið sannaði sig í Makrílveiðunum þegar þjóðin varð af milljörðum í tekjur vegna þess að það voru leyfðar frjálsarveiðar en ekki aflamark.

en svo margir andstæðingar kvótakerfisins eins og t.d. Ólína og Jón Bjarna halda að verðmætin verði til því einhverjir pappírspésar hjá hinu opinbera skrifa skýrslu um það. verðmætin verða ekki til þegar allir eru í kappi við að ná í sem flest kíló. verðmætin verða fyrst til þegar menn hámarka verðmæti hvers kíló og ná í það á sem ódýrastanhátt.

[Sigurður Þórðarson, 21.11.2009 kl. 07:04]

Sæll Fannar, það er gaman að þig í heimsókn og rökræður.

1. Makríllinn lifir á seiðum í yfirborði sjávar og hefur þannig áhrif á viðkomu annara tegunda, ef marka má kenningar Hafró um að fjöldi seiða skipti máli. Makríllinn kom magur inn í landhelgina er hagkvæmt að fita hann á seiðum?

2. Makríllinn er algerlega nýr flökkustofn í Íslenskri lögsögu Evrópusambandið vill ekki að við veiðum eitt einasta kíló en ef við gerum samkomulag við þá síðar skiptir máli að við sýna fram á veiðireynslu og veiðigetu. Þess vegna var rangt að stöðva veiðarnar eftir að fiskurinn fitnaði.

3.  Við vitum ekki enn hvort makríllinn er kominn til að vera og þá í hvað miklu magni þannig að þa

[Sigurður Þórðarson, 21.11.2009 kl. 07:31]

(Mistök)

3. ð er of snemmt að taka einhverjar ákvarðanir til framtíðar.

 4. Það hefur sýnt sig eftir að bankarnir hrundu að sjávarútvegurinn er burðarás í verðmæta-  og gjaldeyrissköpuninni. Þrátt fyrir hækkandi afurðaverð er greinin gríðarlega skuldsett og sum fyrirtækin löngu sokkin í erlendar skuldir.  Við þessar aðstæður hlýtur að vera vafasamt að auka veðsetningar.

[Sigurður Þórðarson, 21.11.2009 kl. 07:40]

Ýmislegt er mikilvægara en verndun makríls:

Nú er líka spurning ef loðnan flýr í kaldari sjó hvort sandsíli verði ekki enn mikilvægari fyrir þorskinn. Þá er hættulegt ef ýsan (sem étur hrogn sandsíla) verður of sterk.

Það þyrfti að setja aukinn kraft í hvalveiðar og eins að grisja sel samhliða því að vinna markaðsstarf fyrir þessar afurðir í Asíu. (Ekki verður það gert í Evrópu)