Minnihlutastjórn gæti forðað Icesave

Það er nokkuð ljóst að Íslendingum er ofviða að borga Icesave, afleiðingarnar yrðu fátækt, landflótti og líklega þjóðargjaldþrot. Samfylkingin mun samt leggja allt í sölurnar til að fá að borga Icesave svo hún komi landinu  í Evrópusambandið. Ásættanleg lausn mun því fyrirsjáanlega ekki fást í þessu deilumáli með Samfylkinguna í stjórn.

Stjórnarkreppa er ekki kostur í stöðunni og myndun nýrrar meirihlutastjórnar er erfið og jafnvel vonlaus eftir það hrun sem gerst hefur. Sá kostur sem blasir við er minnihlutastjórn. Nú reynir á þjóðhollustu og ábyrgðartilfinningu Alþingis Íslendinga.

Nú ættu formenn flokkana að fara undir feld og hugleiða hvernig hægt sé að feta Ísland út úr þeim vanda sem við blasir.

 

Viðurkenna lífskjararýrnun

Athugasemdir

[Axel Þór Kolbeinsson, 11.11.2009 kl. 09:08]

Minnihlutastjórn hverra?  VG+Framsókn eða bara eins flokks?

[Sigurður Þórðarson, 11.11.2009 kl. 12:15]

Ég veit það ekki Axel og ég veit heldur ekki hvort það er mögulegt.

Því færri því einfalara og betra. 

Samkvæmt mínum heimildum vill sjálfstæðisflokkurinn þetta ekki og því munum við að öllum líkindum dragnast áfram á sömu braut.

[Sigurður Grétar Guðmundsson, 12.11.2009 kl. 11:55]

Því færri því einfalara og betra.

Nafni, þú virðist hafa takmarkaðan skilning á hvað minnihlutastjórn er. Hún verður að hafa samráð við nákvæmlega jafn marga og meirihlutastjórn, minnihlutastjórn verður að hafa meirihluta á Alþingi, það verða að vera það margir þingmenn á bak við hana til að verja hana falli. Fyrri ríkisstjórn Samfylkingar og Vinstri grænna var varin að Framsóknarmönnum sem sífellt voru að skipta sér að gjörðum þeirrar stjórnar sem þeir voru búnir að lofa að verja.

Minnihlutastjórn er afleitur kostur, þjóðstjórn glapræði.

Þú birtir mynd af Lilju Mósesdóttur að ofan, líklega af því þú hefur traust á henni eða það sem líklegra er; þú laðast af þeim sem spila einleik í pólitíkinni þetta er auðvitað aðeins tilgáta mín. Lilja Mósesdóttir er hagfræðingur en hefur berað sig af því að skilja ekki hvað það þýðir að þjóðarbúið skuldi 310% af vergri þjóðarframleiðslu. Guðmundur Ólafsson hagfræðingur tók hana í gegn í Silfri Egils sl. sunnudag og aðra þá sem ekki skilja hvað að baki býr. Þessi 310% eru heildarskuldir erlendis með ICESAVE og öllu en Ríkissjóður ber aðeins ábyrgð á minnihluta þessara skulda. Meirihluti skuldanna er á ábyrgð einkafyrirtækja, oft eignarhaldsfélaga sem ekki eiga neitt. Eins og Guðmundur sagði eru þessar skuldir líklega tapaðar að miklu leyti, það er tap þeirra sem voru svo vitlausir að lána þessum félögum. Ég held ég fari rétt með að eitt fyrirtæki skuldi í þessari súpu nær 1000 milljörðum, Ríkissjóður eða við landsmenn munum aldrei bera neinn skaða af þessum töpum erlendra banka.

Ég vona að við "drögnumst" áfram á sömu braut. Það eru og verða ýmis mistök gerð, en verkefnið er hrikalegt og ég sé ekki annað betra stjórnamynstur en Samfylkingar og Vinstri grænna. Skammtímaminni sumra er slaklegt. Þeir virðast vera búnir að gleyma því að það voru núverandi minnihlutaflokkar, Sjálfstæðis- og Framsóknarflokkar sem bera höfuðábyrgð á hruninu.

Eigum við að kalla þá aftur til að leiða okkur út úr rústunum þá sem  kollvörpuðu húsinu? 

[Sigurður Þórðarson, 12.11.2009 kl. 23:25]

Þakka þér fyrir innlitið nafni og afar skemmtilegar tilgátur sem eru langt frá því að vera alrangar.

þú kallar Guðmund Ólafsson til vitnis um hve illa  Lilju Mósesdóttur gengur að skilja hagfræði. Guðmundur Ólafsson er skemmtilegur maður en hann er ekki óskeikull sbr. að hann þreyttist ekki á því skömmu fyrir hrun að lýsa því hve öfundsjúkir Danir væru út í okkar traustu banka.-

Ég lærði það ungur í Stýrimannaskólanum og síðar til sjós að steyti maður á skeri þýði ekki að kenna þeim um stóð vaktina á undan. Það verður ekki frá Samfylkingunni tekið að hún stýrði þjóðarbúinu í strand og gerði mörg afdrifarík mistök á strandstað. 

Af einhverjum ástæðum reynir þú að telja mér trú um að ég viti ekki hvað minnihlutastjórn er. Þú mátt hafa þá skoðun fyrir þig.

Mér þætti æskilegast að í minnihlutastjórn sæti aðeins það fólk sem ekki tók þátt í hruninu. Þá er eingöngu hægt að fríja  VG og Hreyfinguna. Til þess að það væri hægt þyrftu þeir sem ullutjóni að sýna ábyrgð.

Það er að öllum líkindum tálsýn eins og pistill þinn er ein af mörgum vísbendingum um, því miður.