"Gjafir eru yður gefnar" (ábending um furðulega bloggfærslu)

Séra Baldur Kristjánsson fer með himinskautum og skrifar lofgjörð um Evrópusambandið á blogginu :

Takið hinni postullegu kveðju hér

Athugasemdir

[Gunnar Rögnvaldsson, 8.11.2009 kl. 18:24]

Já Sigurður.

Hann er búinn að þurrka út athugasemdir okkar beggja og banna mér að skrifa athugasemdir hjá sér.

Þetta er stórfurðuleg hegðun af menntuðum manninum að vera.

En ég á afrit og mun birta það hjá mér bráðum og eins þá athugasemd sem ég var búinn að skrifa hjá honum um heilbrigðiskerfi Bandaríkjanna, en sem ég fékk ekki að birta því nú er ég svartlistaður. Bannfærður.

Kveðjur

[Sigurður Þórðarson, 8.11.2009 kl. 18:58]

En sniðugt!

 Sendu mér endilega afrit af athugasemd minni ef þú átt hana.

[Gunnar Rögnvaldsson, 8.11.2009 kl. 19:20]

 

Sæll Sigurður aftur

 

Hér eru allar athugasemdirnar og slóð á PDF skrá:   ESB - kjör almennings munu batna ! ásamt athugasemdum

 

======================================

 

 

1

 

Lífskjör almennings munu batna við inngöngu í ESB. Já ef aukið atvinnuleysi eru betri lífskjör þá er þetta sennilega rétt.

Ragnar Gunnlaugsson, 8.11.2009 kl. 11:23

2

Það er gamall þjóðlegur siður að yrkja öfugmælavísur.  Á sextándu orti Bjarni Borgfirðingur:

"Séð hef ég köttinn renna og róa
rikling smíða fley,
á stalli álinn, kríu og kjóa,
og hvalinn eta hey."

 og ennfremur:

"Séð hef ég hvalinn sitja á stól,
selinn strokka og renna,
skötuna ganga á grænum kjól,
gráan hest með penna. "

Þér tekst bærilega að búa til fjarstæðukennda þulu.

En það vantar allt rím,  stuðla og höfuðstafi

Sigurður Þórðarson, 8.11.2009 kl. 11:33

3

 

Séð hef ég páska setta um jól,
sveinbarn fætt í elli,
myrkur bjart, en svarta sól,
sund á hörðum velli.

Sigurður Þórðarson, 8.11.2009 kl. 11:49

4

 

Þú ert ágætur!  BKv. baldur

Baldur Kristjánsson, 8.11.2009 kl. 11:57

5

 

Ég held að jafnvel hatrömmustu ESB-andstæðingar hljóti að beygja sig fyrir þessum rökfasta og sannfærandi pistli. Í honum kristallast málflutningur ESB-sinna og "allir hljóta að sjá" að "það er nokkuð víst" að hér verður allt eins og blómstrið eina við inngöngu í ESB.

Sigurður E. Vilhelmsson, 8.11.2009 kl. 12:19

6

Þessi upptalning er meir eins og trúaróður en einhver sannleikur.  Dæmigerð fyrir þá sem reyna að selja fólki gallaða vöru með fagurgala.

DanTh, 8.11.2009 kl. 13:28

7

 

Hvernig færðu það út að innganga í ESB auki atvinnuleysi Ragnar? Þú veist að það er ekki eitt atvinnuleysi í ESB og annað hjá öðrum þjóðum? Þú veist að í sumum ESB-ríkjum er meira atvinnuleysi en á Íslandi og í sumum minna?

Páll Geir Bjarnason, 8.11.2009 kl. 13:46

8

 

Flestir sem hér gera athugasemdir eru búnir að tjúna sig upp í einhverja eurofóbíu.  Jákvæðu hliðarnar við inngöngu í ESB eru yfirgnæfandi. Í raun og veru er ekkert val. ESB er það samskiptaform ríkja í okkar heimshluta sem hefur orðið ofaná. Bestu kveðjur. b.

Baldur Kristjánsson, 8.11.2009 kl. 14:35

9

 

Allt rétt í þessum pistli og engu þar við að auka eða til annars vegar færa.

Ómar Bjarki Kristjánsson, 8.11.2009 kl. 15:09

10

Heill og sæll; Síra Baldur - líka sem og þið aðrir, hér á síðu !

Villur vegar; ferð þú, klerkur góður, með þær ályktanir, að Ísland yrði sjálfstætt ríki, meðal annarra sjálfstæðra, í ESB mynstrinu.

Eða; gerðu Úkraína, eða þá Hvíta- Rússland samninga, á eigin forsendum, við önnur ríki, án afskipta Kommúnista stjórnarinnar, í Moskvu, á tíma Sovétríkjanna, til dæmis ?

Þú veizt; mun betur en svo, klerkur góður, að þrátt fyrir hrakföll þau, sem Íslendingar hafa þurft að þola, undanfarin misseri, þýðir ekki, að bera hvaða þvælu sem er, á borð fyrir fólk.

Það eru ekki allir; samlandar okkar svo treggáfaðir, þó sumir þeirra séu það, Síra Baldur.

Fleirri hnökra mætti týna til; í þinni aumlegu málafylgju, til hvatningar þinnar, um skilyrðilausa undirgefni Íslendinga, við hið gamla og rotna nýlenduvelda bandalag, suður á hinum litla Evrópuskaga, klerkur sæll.

Minni þig á; sem annarra, af þínum meið undirgefni og auðsveipninnar, til Bretlands og meginlands Evrópu - að Íslendingar eiga margra og hagkvæmra kosta, í öðrum heimshlutum, svo ekki væri nefnt, nema auðlegð okkar, í fersku lindarvatninu - sem mörgu öðru.

Þetta vita ESB stjórarnir, suður í Brussel, og er þeim kappsmál mikið, að hremma auðlegð okkar - á landi, sem til sjávar, klerkur minn.

Því dapurlegri; er stuðningur sumra; innlendra, hér á Fróni, við þessa græðginnar púka, suður þar, Síra Baldur.

Með sæmilegum kveðjum; úr Hveragerðis og Kotstrandar sóknum /

Óskar Helgi Helgason 

Óskar Helgi Helgason, 8.11.2009 kl. 15:34

11

 

Muahahhaa, þetta er hreint stórkostlegt! Ertu drukkinn séra Baldur?

.

Kveðjur

Gunnar Rögnvaldsson, 8.11.2009 kl. 17:14

12

Sæll ágæti Baldur,

þú ert aldeilis spaugsamur að kasta fram öllum þessum afkáralegu fullyrðum um kosti Evrópusambandsaðildar Íslands. Hrekkjalómar gera þetta stundum, tala þvert um hug sér og komast í heitar umræður. Það er líka léttleiki yfir því að sjúkdómsgreina þá sem sjá ekki við þér og segja þá með "eurofóbíu".

Það alvarlega í málinu er þó að einmitt svona saklaust grín  gæti haft áhrif og vakið tálvonir, eftir að lífskjör versna mikið á næsta ári og einhverjir fyllast örvinglan. Það er aldrei fallegt að skrökva að fólki við slíkar aðstæður.

Sigurður Þórðarson, 8.11.2009 kl. 17:14

13

Gunnar, þú verður að viðurkenna að pistillinn er skemmtilegur.

Það bætir skapið að fá sér tár  af messuvíni.

Sigurður Þórðarson, 8.11.2009 kl. 17:18

14

Já Sigurður, ég er ennþá að hlægja. Konan mín sat í sófanum og var að prjóna lopapeysu, henni varð smávegis á í messunni. Þurfti að rekja upp. Ég sagði henni að þetta myndi ganga betur ef hún væri í Evrópusambandinu. "Já en ég er í Evrópusambandinu" sagði hún. Já það er víst rétt sagði ég og fékk mér meira kaffi.

Áttu nokkuð meira kaffi Baldur?

===================================== 

 

Kveðjur til þín Sigurður 

Frá Gunnari - bannfærðum

 

[Gunnar Rögnvaldsson, 8.11.2009 kl. 19:25]

Neðsta athugasemdin er einnig mín (þessi númer 14)

[Rósa Aðalsteinsdóttir, 8.11.2009 kl. 22:45]

Sæll Siggi minn

Fjör á Fróni þykir mér. Prestar koma víða við sögu, bæði á Selfossi og á blogginu.

"Heiðra föður þinn og móður þína, svo að þú verðir langlífur í því landi, "Íslandi" sem Drottinn Guð þinn gefur þér." 2 Mós. 20:12.

Orð fyrir Séra Baldur: "Ef einhvern yðar brestur visku, þá biðji hann Guð, sem gefur öllum örlátlega og átölulaust, og honum mun gefast." Jak. 1:5.

Guð veri með ykkur

Shalom/Rósa

[Júlíus Björnsson, 8.11.2009 kl. 22:58]

Staðlaus stafir séu lögstafir EU mitt vitni.

[Magnús Sigurðsson, 8.11.2009 kl. 23:05]

Sæll Sigurður, það er þyngra en tárum taki hvaða álit Baldur hefur á meirihluta íslensku þjóðarinnar.  Það er orðið langt síðan ég gafst upp á að lesa hugvekjurnar hans því þar skín menntahrokinn allstaðar í gegn. 

[Guðrún María Óskarsdóttir., 8.11.2009 kl. 23:30]

Já en fróðlegt Siggi.

kv.Guðrún María.

[Sigurður Þórðarson, 8.11.2009 kl. 23:34]

Sæl Rósa og kærar þakkir fyrir Guðsorðið.

[Sigurður Þórðarson, 8.11.2009 kl. 23:36]

Staðlausir stafir gömul og góð íslenska sem nær yfir þetta Júlíus

[Sigurður Þórðarson, 8.11.2009 kl. 23:38]

Sæl Magnús og Guðrún, takk fyrir athugasemdirnar.

Ég býst við að séra Baldur trúi þessu sjálfur, hann meinar örugglega vel.

Það flýgur hver eins og hann er fiðraður til.

[Óskar Helgi Helgason (IP-tala skráð) 9.11.2009 kl. 01:00]

Heill og sæll Sigurður; líka sem og, þið önnur, hér á síðu !

Verð að játa; að ég varð svolítið hissa, þá ég hjó eftir, að hinn sæli Ölvesinga klerkur (Þorlákshafnar og Hjalla sókna), hafði gert ykkur friðsemdar pilta, Gunnar Rögnvaldsson og þig, útlæga, af síðu sinni, síðdegis í gær (8.XI.), Sigurður minn.

Jah; eitthvað, hefir góðlátleg kerskni ykkar Gunnars, hlaupið illilega í klerk.

Þau afar ltlu persónulegu kynni; hver ég hefi haft af honum, hafa verið í mesta bróðerni - ykkur að segja, og hlýtur þetta að hafa verið einhver fljótfærni, í Síra Baldri, þarna á ferð.

Með beztu kveðjum - sem öðrum áður /

Óskar Helgi Helgason 

[Loftur Altice Þorsteinsson, 9.11.2009 kl. 01:11]

Ég setti inn saklausa athugasemd hjá klerki. Miðað við reynslu sumra, verður forvitnilegt að sjá hver verða örlög hennar.

Svo að ég segi nú einu sinni sannleikann, þá finnst mér skrif klerksins bera vott um örvæntingu. ESB-andstæðingar hlæja að svona öfugmælum og enginn óráðinn gleypir þessar kennisetningar karlsins.

[Sigurður Þórðarson, 9.11.2009 kl. 01:40]

Já Óskar séra Baldur er ágætis maður ég efa það ekki.

[Sigurður Þórðarson, 9.11.2009 kl. 01:44]

Sæll Loftur,

þetta er auðvitað bara fyndið rétt eins og öfugmælavísurnar hér að ofan. 

En séra Baldur er ekki einn um þetta. ASÍ hefur af þjónkun við Samfylkinguna farið vel út á ystu nöf í lofgjörð um ESB. Það stenst enga skoðun og þeir vita vel af því.

[Óskar Helgi Helgason (IP-tala skráð) 9.11.2009 kl. 02:02]

Sælir; á ný !

Og; það hafa SA / SI / Ferðþjónustan og fleirri and- þjóðernisleg öfl einnig útlistað - helvítis Brussel dekrið, af þeirra hálfu einnig, Sigurður minn - svo; til haga sé haldið, þó ei mæli ég ASÍ eigandanum og Lífeyris sjóða sukkaranum Gylfa, nokkra bót !

Og; með beztu kveðjum - sem fyrr /

Óskar Helgi Helgason 

[Sigurður Þórðarson, 9.11.2009 kl. 18:51]

 Lokað var á neðangreinda athugasemd:

Þakka þér samveruna Baldur og gangi þér vel á nýjum vettvangi.

Ég er búinn að vera hérna lengi þó ég hafi aldrei verið flokksbróðir ritstjóranna og því síður skoðanabróðir þeirra sem voru ráðnir af þeim sem stofnuðu Icesave.  Ég tek það ekki til mín að vera kallaður skítadreifari þó ég sjái engan kost við það að Ísland verði innlimað í Evrópusambandið. 

Ég hef jafnan tekið málstað Ómars Ragnarssonar  fagna orðum hans í þinn garð en þyki miður að hann skuli nota þetta orðbragð, sem hann er alls ekki vanur að gera.