Ógeðsdrykkurinn Æsseif inniheldur ekki harðfisk, hákarl, slátur og sviðakjamma

Æsseif, eins og hann lítur út í glasinu, er óheilsusamlegur ógeðsdrykkur og það ætti ekki að neyða neinn mann til að innbyrða hann og allra síst heila þjóð.  Dr. Gauti B. Eggertsson (bróðir Dags B Eggertssonar) telur algerlega nauðsynlegt að þjóðin kyngi drykknum og varar við því að stjórnin falli verði það ekki gert.

"Um hvað yrði nýja ríkisstjórnin? Icesave, jú það er væntanlega málið að fella þann samning? Og svo yrði líklega fyrsta verk hinnar nýju ríkisstjórnar að draga til baka umsókn í ESB? Væri það óneitanlega táknrænt um einangrun landsins. Kannski rétt að segja sig úr nato líka og sameinuðu þjóðunum? Taka bjart í sumarhúsum á þetta?
Fara að snúa sér aftur að því að lifa á harðfiski, hákarli, slátri og sviðakjömmum?"

Er verið að lofa þjóðinni því að hún losni við harðfisk, hákarl slátur og sviðakjamma með því að kyngja ógeðsdrykknum í einum gúlsopa?

Ásmundi bónda mæltist vel í Kastljósi  í kvöld þegar hann sagðist vilja  sjá atkvæðagreiðsluna fara 63:0  "Þetta er ekki flokkspólitískt mál og þjóðin hefur alls ekki efni á að skiptast í fylkingar núna" sagði bóndinn. 

Financial Times fjallar um Icesave-deiluna

Athugasemdir

[Árni Gunnarsson, 11.8.2009 kl. 05:55]

Sæll frændi. Mikið óskaplega er það lýsandi fyrir svona geldinga sem fyrirverða sig fyrir þjóðerni sitt og uppruna að lengja nafnið sitt með :- Dr.

[Sigurður Þórðarson, 11.8.2009 kl. 08:01]

Já sæll frændi, þessir geldingar eins og þú nefnir þá vilja víst frekar borða pýtsur eða kex með ostum sem þeir skola niður með evrópsku rauðvíni. En þeim er nokkur vorkunn því þeir sammast sín óskaplega fyrir að vera komnir af lýð sem veiðir hval, étur hákarl og skolar honum niður með brennivíni. 

Það útaf fyrir sig er næg ástæða þess að þeir vilja heldur kalla sig Evrópumenn en Íslendinga. 

[Jóhann Elíasson, 11.8.2009 kl. 08:02]

Ekki væri nú mikil eftirsjón þó þessi ríkisstjórn færi frá, beri alþingi gæfu til að fella Ices(L)ave.

[Sigurður Þórðarson, 11.8.2009 kl. 09:23]

Farið hefur fé betra Jóhann.

[Árni Gunnarsson, 11.8.2009 kl. 12:19]

Þrátt fyrir allt vona ég nú fremur að Steingrímur J. komi til byggða en að ríkisstjórnin springi og sjallrnir komist nærri stjórnsýslu okkar. Ég held að þetta rutl á Steingrími stafi af útafakstrinum í Langadalnum og nú fari hann að jafna sig. Nú þarf að efna til verðlaunsamkeppni um hvernig við förum að því að þurrka út Samfylkingu og Sjáfstæðisflokk. Og þá meina ég þurrka út.

[Sigurður Þórðarson, 11.8.2009 kl. 12:24]

Þetta tengist sem sagt útafakstri Steingríms. Það hlaut að vera einhver skynsamleg skýring á þessu máli.

[Júlíus Björnsson, 11.8.2009 kl. 15:11]

Collapse of the deal would reignite the diplomatic dispute that erupted between the UK and Iceland after the bank meltdown, when Gordon Brown, British prime minister, used anti-terror lawsto freeze Icelandic assets in the UK.

Breskum ráðmönnum er mikið í mun að Íslenska elítan opinberi að hún er ekki læs á sín eigin lög eða hvað þá annarra þjóða.

Auðvitað eigum rétt á skaðabótum vegna hernaðlegrar efnahagstjórnaárásar Breta eftir ráðaleitum hjá viðeigandi aðilum innan Evrópsku Sameiningarinnar.

Ísland efnahagsstjórnarlegt leppríki undir Bresku krúnunni innan EU er ekki svolítið.

Nýja-Ísland verður fámennt með nánast enga stjórnsýslu því það er enginn þörf á henni þegar yfirgreindu og ábyrgu þjónar ESB er búnir að taka málin í sínar eigin hendur.  Bretland tekur yfir margar 300.000 manna efnahagseigingar sem standa þeim nærri landfræðilega og málskilningslega og sem þeim ber að hjálpa nú sem í framtíðinni. Frekar en EU sleikjunum á Íslandi sem eru allstaðar þjóðarskammir.  

EU lokar Meðlima ríki sín frá frjálsum við skiptum við 92% umheimsins.

Hráefni og 1. stigs úrvinnsla þeirra er verðlagsbundinn grunnur ávinningsins sem Meðlima-Ríki meginlandsins hafa talið sér til tekna með því að ganga inn. EU samkeppnigrunnur fullvinnslunnar er ekki hannaður fyrir arðbæra efnahagstjórnun fámennar eyju handan hafs. Við þurfum að losa okkur við regluverkið sér í lagi ef við ætlum að skrifa undir samningsdrögin, sem flestir kalla Ice-slave.   

[Emil Örn Kristjánsson, 11.8.2009 kl. 16:03]

Þá þætti mér verið að verja minni hagsmuni fyrir meiri ef samþykkja á Æsseif til að bjarga ríkisstjórninni.

Svo finnst mér alltaf jafn grátbroslegt að heyra ESB-sinnana tala um einangrunarstefnu þeirra sem ekki vilja ESB-aðild. ESB er í eðli sínu einangrunarsinnað bandalag. Við sem viljum standa utan þess gerum okkur grein fyrir því að veröldin er miklu stærri en umrætt bandalag.

[Sigurður Þórðarson, 11.8.2009 kl. 17:00]

Takk fyrir stórgott innlegg Júlíus.

Íslenskir ráðamenn haga sér eins og barðir hundar gagnvart Bretum. Það er líka mikið rétt sem þú segir um alþjóðaviðskiptin.  Þetta á ekki hvað síst við fiskafurðir vegna þess að ESB hefur aldrei séð sér hag í því að fá lækkaða tolla á fiski enda flytur sambandið ekki út fisk.  Þetta er aðalatriði.

[Sigurður Þórðarson, 11.8.2009 kl. 17:02]

Ég get ekki annað en verið sammála þér Emil en það lítur hver sínum augum silfrið. Ráðherrunum þykir kannski meira um vert að fá að vera ráðherrar en að landa viðunandi samningi fyrir Ísland.

[Júlíus Björnsson, 11.8.2009 kl. 17:34]

Hinsvegar skil ég Þjóðverja og Frakka vel og ef einhver hefur ávinning af samkeppnigrunninum á meginlandinu þá eru það þeir. Ég hef allavega nákvæmlega sama álit á EU sleikjum og ráðamenn þar. Því ég rek hvorki ættir mínar til snobbara á meginlandinu né til snobbara á Íslandi.

Í ávingsstríðinu gegn Íslandi standa ráðamenn Breta saman sem einn undir Drottningunni. 

[Sigurður Þórðarson, 11.8.2009 kl. 18:31]

Við stöndum ekki saman því það er komin ný kynslóð sem skammast sín fyrir hákarl, harðfisk, slátur og svið.  Fólk sem hefur aldrei heyrt talað um ábrystir en  drekkur rauðvín í öll mál. Þetta fólk er tilbúið til að selja börnin í ánauð ef það getur eygir von um að geta fengið þennan lífstíl að láni.

[Óskar Helgi Helgason (IP-tala skráð) 11.8.2009 kl. 22:37]

Heill og sæll; Sigurður - líka sem; aðrir hér á síðu !

Hætt er við; að árhundruð tæki, að rétta við; þjóðfélags skipan þá, hver ákjósanlegust mætti verða hér á landi, gengi þessi áætlun frjálshyggju vina eftir.

Hefi sjálfur; stungið upp á samkomulagi, við Breta og Hollendinga, til næstu 150 - 200 ára; með mögulegum 1.5 - 2% vöxtum, og láta reyna, þar með, á þolinmæði þessarra andskotans kakó- og olíuþjófa, fyrri tíma, í fjarlægum Heimshlutum.

Mættu þakka fyrir; pent !

Óskar Helgi Helgason 

[Sigurður Þórðarson, 11.8.2009 kl. 23:00]

Sæll Óskar minn, komdu því endilega áleiðis til Samfylkingarinnar að þeir eigi ekki meira skilið.

[Óskar Helgi Helgason (IP-tala skráð) 12.8.2009 kl. 00:10]

Sælir; á ný !

O; ætli helvítis kratarnir líti ekki við, sumir hverjir, hér hjá þér, og sjái, svart á hvítu, Sigurður minn ?

Með kveðjum góðum; að nýju /

Óskar Helgi Helgason 

[Theódór Norðkvist, 12.8.2009 kl. 00:32]

Ef einhver eiturbikar inniheldur harðfisk, hákarl, slátur og sviðakjamma, er það Iceslave.

Með 50-70 milljarða greiðslur í vexti og afborganir verður ekki mikið eftir til að flytja inn hollenskar gulrætur.

[Elle_, 12.8.2009 kl. 00:39]

Ég býst við að fólk hafi hlustað á Ógmund í RUV í kvöld:
http://dagskra.ruv.is/sjonvarpid/4466691/2009/08/11/0/ 

Ögmundur talaði um að ekki væru allir að skoða gögn Icesave-samningsins nægilega vel. Getur það verið að sumt fólk haldi að númer eitt sé að halda ríkistjórninni saman?  Og á kostnað alþýðu og heimila landsins? Og framar graf-alvarlegu ICE-SLAVE? 

 

[Sigurður Þórðarson, 12.8.2009 kl. 01:19]

Sæll Óskar, þeir kannski laumast til þess?

[Sigurður Þórðarson, 12.8.2009 kl. 01:25]

Sæll Teódót það er alveg rétt hjá þér að það verða engir peningar í innflutning ef við verðum þvinguð til að kyngja Æsseif. En svið, hákarl, slátur og harðfiskur er herramannsmatur hvað svo sem Samfylkingunni finnst um það.

[Sigurður Þórðarson, 12.8.2009 kl. 01:28]

Nákvæmlega rétt hjá Ögmundi. Fólk hefur ekki hugmynd um hvað það er að kalla yfir sig.

[Theódór Norðkvist, 12.8.2009 kl. 02:22]

Ég treysti mér til að torga öllu á matseðlinum hjá þér nema hákarli. Ekki einu sinni með íslensku brennivíni.

[Sigurður Þórðarson, 12.8.2009 kl. 02:35]

Hákarlinn fer vel í maga skal ég segja þér og bráðhollur fyrir þá sem eru með magasár.  Já við gætum örugglega deilt eldhúsi af þessum ástæðum. Mér finnst annars merkilegt að skammast sín fyrir mat sem forfeður okkar hafa lifað á í meira en 1000 ár.

[Anna Sigríður Guðmundsdóttir, 12.8.2009 kl. 04:10]

Halló allir! Ég held að ungt fólk sem velur auðveldustu leiðina hafi því miður ekki hugmynd um að í hernaðar-ríkjum er ekki einu sinni til hákarl að borða, því hernaðartækin kosta svo mikið og engin atvinnustarfsemi þrífst í stríðshrjáðu landi.

Kanski allt í lagi að fullornu börn þessa lands átti sig á því. þau hafa verið svikin um raunverulegt upplýsandi uppeldi. Heimurinn er svo miklu stærri og flóknari en þessi heitt-þráða Evrópa!

[Sigurður Þórðarson, 12.8.2009 kl. 09:04]

Takk fyrir Anna, já það gleymist mörgum að heimurinn er svo miklu stærri en Evrópa og utan Evrópu á mestur hagvöxtur  rætur sínar . Það er vandséð að það gagnist Íslendingum að fara nú að loka sig frá þeim mörkuðum með því að læsa sig inni í Evrópusambandinu.