Útsala á náttúruauðlindum hafin?

 Ýmislegt bendir til að útsala á náttúruauðlindum Íslands sé í þann mund að hefjast. Margir útrásarvíkingar sem stóðu að stofnun Geysis Green Energy standa ekki vel í dag en mörg sveitarfélögin á höfuðborgarsvæðinu standa engu betur. Þetta skapar góðar aðstæður fyrir erlenda útrásarvíkinga sem ásælast hlut í Hitaveitu Suðurnesja enda rauður hún yfir gríðarlega auðugu háhitasvæði. Það er kanadíska fyrirtækið Magma sem stendur í raun á bak við Geysir Green Energy. Þetta er því miður bara forsmekkurinn því sem koma skal ef alþingi samþykkir að greiða Icesave skuldirnar. Icesave skuldirnar eru miklu hærri en svo að ríkið geti greitt af þeim í erlendum gjaldeyri og því er afhending náttúruauðlindanna eini möguleikinn til að gera þær upp. 

Með því er mörkuð sú stefna að Íslendingar framtíðarinnar skuli vera Indíánar í eigin landi.

 

Kanadískt félag kaupir í HS Orku

Athugasemdir

[Magnús Sigurðsson, 27.6.2009 kl. 09:06]

Sæll Sigurður, því miður held ég að þú sért að hitta naglann á höfuðið. 

[Þorri Almennings Forni Loftski, 27.6.2009 kl. 09:29]

Það var sniðugt hjá síðustu Framsóknar Íhalds ríkisstjórninni að færa ákvörðunarvaldið um stóriðju og virkjanaframkvæmdir, til sveitarfélaganna.

[B.N. (IP-tala skráð) 27.6.2009 kl. 09:33]

Blessuð sé minning: Lýðveldið Ísland

Baldvin Nielsen Reykjanesbæ

[Sigurður Þórðarson, 27.6.2009 kl. 11:12]

Sæll Magnús það er búið að mergsjúga landið með þessu efnahagsundri  Sjálfstæðisflokksins og við eigum fárra kosta völ. Erlendar skuldir eru amk 5000 milljarðar.

[Sigurður Þórðarson, 27.6.2009 kl. 11:15]

Sæll Þorri minn, ég hef lítinn húmor fyrir þessu undirförla liði.

Fórstu til Þingvalla á fimmtudaginn?

[Sigurður Þórðarson, 27.6.2009 kl. 11:17]

Sæll Baldvin,

Einar Már var góður í Kastljósinu í gær. Meðan karakterar eins og hann eru enn við lýði gefst maður ekki upp. 

[Godur (IP-tala skráð) 27.6.2009 kl. 12:44]

Góðan dag:

Það er mikilvægt að hafa í huga að HS Orka er fyrirtæki sem í dag framleiðir rafmagn fyrir stóriðju. Mest af framleiðslu fyrirtækisins fer til stóriðju.

Svo er mikilvægt að hafa í hyggju að HS Orka á engar auðlindir. ÞAÐ ER EKKI VERIÐ AÐ SELJA NÁTTÚRUAUÐLINDIR. HS Orka leigir aðgang að auðlindunum til 65 ára og greiðir fyrir auðlindagjald á ári; fleiri tugi milljóna sem REykjanesbær fær á hverju ári.

HS Orka er í áhætturekstri við að framleiða rafmagn fyrir stóriðju. Fyrirhugaðara eru ennþá frekari framkvæmdir til að framleiða meira rafmagn fyrir stóriðju. Um er að ræða rafmagn fyrir nýja álverið í Helguvík sem skapa mun þúsund störf a byggingartíma og hundruðir á rekstrartíma.

Hvað á sveitarfélagið að gera með að eiga hlut í áhætturekstri sem snýst um að framleiða rafmagn fyrir stóriðju????

Vilja menn lenda í sömu sporum og í Reykavík þar sem hver útsvarsgreiðandi skuldar yfir milljón vegna lána OR í erlendri mynt til að fjármanga rafmagsnframleiðslu fyrir stóriðju????? Ég bara spyr!

Vilja menn að tap á fjárfestinum í ághætturekstri bitni á getu sveitafélagsins til að reka leikskóla, skóla og aðra þjónustu fyrir bæjarbúa???

PS

ÞAÐ ER EKKI VERIÐ AÐ SELJA NÁTTÚRUAUÐLINDIR

[Godur (IP-tala skráð) 27.6.2009 kl. 12:51]

Góðan dag:

Það er mikilvægt að hafa í huga að HS Orka er fyrirtæki sem í dag framleiðir rafmagn fyrir stóriðju. Mest af framleiðslu fyrirtækisins fer til stóriðju.

Svo er mikilvægt að hafa í hyggju að HS Orka á engar auðlindir. ÞAÐ ER EKKI VERIÐ AÐ SELJA NÁTTÚRUAUÐLINDIR. HS Orka leigir aðgang að auðlindunum til 65 ára og greiðir fyrir auðlindagjald á ári; fleiri tugi milljóna sem REykjanesbær fær á hverju ári.

HS Orka er í áhætturekstri við að framleiða rafmagn fyrir stóriðju. Fyrirhugaðara eru ennþá frekari framkvæmdir til að framleiða meira rafmagn fyrir stóriðju. Um er að ræða rafmagn fyrir nýja álverið í Helguvík sem skapa mun þúsund störf a byggingartíma og hundruðir á rekstrartíma.

Hvað á sveitarfélagið að gera með að eiga hlut í áhætturekstri sem snýst um að framleiða rafmagn fyrir stóriðju????

Vilja menn lenda í sömu sporum og í Reykavík þar sem hver útsvarsgreiðandi skuldar yfir milljón vegna lána OR í erlendri mynt til að fjármanga rafmagsnframleiðslu fyrir stóriðju????? Ég bara spyr!

Vilja menn að tap á fjárfestinum í ághætturekstri bitni á getu sveitafélagsins til að reka leikskóla, skóla og aðra þjónustu fyrir bæjarbúa???

PS

ÞAÐ ER EKKI VERIÐ AÐ SELJA NÁTTÚRUAUÐLINDIR

[B.N. (IP-tala skráð) 27.6.2009 kl. 14:43]

 Sæll Sigurður Einar Már er flottur en mætti vera hávaxnari. Þó ég ég sé ekki spámannlega vaxinn og viti ekki hvað sé að vera spámannlega vaxinn þá á ég þann heiður að vera aðal forsprakkinn fyrir stofnun Reykjanesbæjarlistans fyrir síðustu sveitarstjórnarkosningar en hann barðist hetjulega fyrir smábátasjómenn að þér fengju frjálsar veiðar byggðatengt en það er einmitt er að bresta á núna Heyr,heyr! Í gleði minni leyfi ég ykkur þegar ég fór fimum fingrum um lyklaborðið á árum áður og leyfi ykkur núna að lesa smá brot af þessari vegferð minni.                   

                       Stöndum vörð um Hitaveitu Suðurnesja

grein eftir Baldvin Nielsen

Þorsteinn Erlingsson bæjarfulltrúi Sjálfstæðisflokksins í Reykjanesbæ skrifaði grein í Víkurfréttir 9. júní sl. um Hitaveitu Suðurnesja (HS) og það fóru um mig ónot að sjá glitta í hugmyndafræði ríkisstjórnarinnar um einkavinavæðinguna og að sjá að nú væri hún farin að sá sér innandyra hjá bæjarstjórn Reykjanesbæjar.

Þorsteinn segir m.a. að virði hlutabréfa í HS hafi tvöfaldast á fjórum árum og að hlutur Reykjanesbæjar sem er um 40% og hafi aukið eignir Reykjanesbæjar um 2,4 milljónir króna á dag eða 876 milljónir króna á ári síðustu fjögur árin þ.e.a.s. síðan HS var breytt í hlutafélag.

Þorsteinn byggir sína útreikninga á nýju verðmati hlutafjárs HS sem reiknast nú á um 18 - 20 milljarða króna og að hlutur Reykjanesbæjar sé því 7,2 - 8 milljarðar en sé hins vegar bókfært mun lægri eða um 5,1 milljarður króna við síðustu áramót.

Í ársreikningi fyrir árið 2004 kom fram að að eigið fé bæjarsjóðs Reykjanesbæjar væri 3,5 milljarðar í árslok.

Hér er að sjá þegar stuðst er við eigið fé bæjarins í ársreikningi annars vegar og svo eigið fé hans vegna HS hins vegar í hlutabréfum upp á 5,1 milljarð króna, komi í ljós 1,6 milljarða skekkja í útreikningum sem þýðir að hlutabréf bæjarins í HS sem nemur þessum mismuni a.m.k. er veðsettur vegna lána frá fjármálastofnunum sem hefur þá eftir kokkabókum Þorsteins ríflegt veð fyrir þeim skuldum.

Nú er lag að fá okkur bæjarbúa til að trúa því að best væri fyrir okkur að selja hlutabréf Reykjanesbæjar í HS á nýja verðmatinu því, jú, þá myndum við græða 2,1 - 2,9 milljarða króna svona auka en fyrst verða Sjálfstæðismenn auðvitað að tryggja sér áframhaldandi völd á næsta kjörtímabili áður en farið væri að ræða þetta opinberlega. Þeir munu því trúlega nota nýja verðmatið í næsta ársreikningi til að sýna fram á betri stöðu í bókhaldi um eigið fé bæjarsjóðs.

Hér er ekki reiknað með að hr. Árni Sigfússon bæjarstjóri verði sérstaklega sendur út af örkinni af Sjálfstæðismönnum í kosningaferðalag með peningana sem yrðu þá teknir að láni út á þetta verðgildi.

Hér má því áætla að þetta svokallaða nýja verðmat sé í raun hálfvirði eða minna miðað við það verð sem einkavinir Sjálfstæðisflokksins myndu vilja sjálfir fá fyrir hlutabréfin í HS þegar þeir væru búnir að komast yfir þau. Í hvaða hæðum yrðu orkureikningarnir okkar þá?

Vegna þessa sem lýst er hér að ofan þurfum við að hafa vara á hvað meirihluti Sjálfstæðismanna í Reykjanesbæ ætli sér með hlut okkar bæjarbúa í HS.

Bæjarmálafélag Frjálslynda flokksins í Reykjanesbæ mun standa vörð um hagsmuni Reykjanesbæjar og að óskabarn okkar allra Suðurnesjamanna lendi ekki í gini hákarlanna sem nú þegar eru farnir að bíða eftir bráð sinni.

Grein þessi birtist í Víkurfréttum 16. júní 2005

Baldvin Nielsen, Reykjanesbæ fyrrum félagi í Frjálslynda flokknum 

[Sigurður Þórðarson, 27.6.2009 kl. 14:52]

Takk Góður og BN ég hef ekki tíma að svara er á leið út úr bænum

[Þorri Almennings Forni Loftski, 27.6.2009 kl. 20:24]

Komst ekki á Þingvelli, Siggi. Hélt að þú ætlaðir. Frétti að það hefði verið gott.

Athugasemdin var nú ekki einu sinni húmor. Varla launhæðni. Sniðugt út frá svindlaranna og svikaranna sjónarhorni, að þykjast leggja ákvörðunarvaldið í hendur fámennra sveitarsjórna. Eða Árna Sigfússonar t.d. Þá þarf varla að hafa mikið fyrir pólitískum og efnahagslegum þrýstingi, eins og dæmin sýna.

[Ólafur Eiríksson, 28.6.2009 kl. 01:24]

-- ekki verið að selja auðlindir..

Nei, þetta heitir allt eitthvað þegar "einkaframtakið" mætir á svæðið með sitt "kapítal" til að hirða renturnar af því sem var byggt upp fyrir almannafé. Fákeppni og einokun á íslenska dvergmarkaðnum sér svo um rest.

Umsvif hins opinbera eru síðan eitur í beinum "einkaframtaksins" því að ríkið á ekki að vera á "samkeppnismarkaði" - engu skiptir þó að einkaframtakið hafi öll heimsins möguleg og ómöguleg tækifæri til að vasast í hverjum sem er - það verður að komast í orku- fjarskipta - veitufyrirtæki eða hvað sem vera skal.

Okkur virðist enginn lærdómur þó að milljóna - já eða hundruða milljóna - þjóðunum gangi illa að halda uppi samkeppnismarkaði. Samt blasir það við að þegar komið er upp fyrir einyrkjana (klippara, trésmiði og sjoppur) þá er engin samkeppni. 

Hvenær lærum við Sigurður ?