Ósammála - Ég er ósammála þeim sem vilja gefa fiskimiðin

Miðvikudagur, 22. apríl 2009

ESB andstæðingar skráið ykkur á ósammála.is!

Ég vildi athygli allra sem eru ósamála því að Ísland innlimist í ESB og afnemi fiskveiðilögsögu Íslands um leið og tekin er upp fiskveiðilögsaga ESB  á að þeir geta skráð sig hér á ósammála.is! Endilega skráið ykkur og látið alla vita sem eru ekki hlynntur ESB aðild.

 

Ósammála punktur is

Athugasemdir

[Rósa Aðalsteinsdóttir, 22.4.2009 kl. 23:23]

Sæll Siggi minn

Búin að skrá mig á listann

Við stöndum saman og erum flottust.

Guð veri með þér og þínum

Kær kveðja/Rósa

[Sigurbjörn Svavarsson, 22.4.2009 kl. 23:23]

Búinn að því Siggi minn.

[Sigurður Þórðarson, 22.4.2009 kl. 23:26]

Gaman að sjá ykkur Rósa og Dúddi.  Það lá að Dúddi að þú sem vannst  af alúð í þorskastríðunum myndir vera meðal fyrstu manna að skrá þig.  Við vorum ekki í þessu til að gefa það allt aftur.

Takk fyrir.

[Ásthildur Cesil Þórðardóttir, 22.4.2009 kl. 23:44]

Búin að skrá mig. Þetta var aldeilis flott.  Vona að sem flestir skrái sig, ég er alveg að verða brjáluð yfir þessu sífri um að við verðum að komast í ESB.

[Elín (IP-tala skráð) 22.4.2009 kl. 23:46]

Gefa hvað?

Ekki á ég neitt í þessum fiskimiðum! Það er löngu búið að gefa þau einhverjum ríkisbubbavinum sem maka krókinn á meðan aðrir svelta.

Sjávarútvegur er ekki sú burðarstoð Íslands og efnahags þess sem hann eitt sinn var. Þetta er afskaplega léleg ástæða fyrir því að vera á móti ESB, auk þess sem hún er byggð á misskilninig.

Við hefðum áfram atvinnu og arð af fiskveiðum, en veiðistjórnin yrði í höndum bandalagsins. Og finnst þér virkilega að veiðistjórnin hafi verið það góð undanfarið að við ættum að halda henni áfram?

[Sigurður Þórðarson, 23.4.2009 kl. 00:05]

Flott hja´þér Ásthildur.  Elín, þú ert eitthvað að misskilja þetta. Sjávarútvegurinn, sameign þjóðarinnar er langstærsta tekjuöflunar- og útflutningsgrein okkar. Núna þegar fjármálageirinn er hruninn og í raun ómagi á okkur berðum við að byggja enn frekar á sjávarútvegi.  Evrópuþjóðirnar horfa ofundaraugum á fiskimiðin okkar sem er stærsta matarkista í Atlantshafinu.  Við strendur landsins býr fólk, sjómenn og fiskverkafólk sem hefur allar sínar tekjur af sjávarútvegi. Þetta fólk sér fyrir sér og sínum og borgar skatta og útsvar. Það er dapurlegt að til skuli vera fólk sem vill svipta þetta fólk lífsviðurværi sínu til þess eins að komast í ESB- klúbbinn.

[Sigurður Þórðarson, 23.4.2009 kl. 00:10]

Elín, fyrirgefðu mér yfirsást niðurlagið þitt.

Auðvitað hefur fiskveiðistjórnunin verið afleit en það gefur mér ekki tilefni til að vilja fara úr öskunni í eldinn.  Við getum afnumið okkar kvótakerfi en við komumst  trauðla út úr Evrópusambandinu ef við á annað borð festum okkur í því neti.

[Guðmundur Pétursson, 23.4.2009 kl. 01:37]

Ég er skráður á sammála.is.  Það er ljóst að fiskveiðistefna ESB hefur mistekist hrapalega.  Bæði er hún illa útfærð og síðan er ekkert farið eftir henni sem hefur leitt til ofveiði.  Það er ljóst að það þurfa að takast ásættanlegir samningar um stjórn fiskveiða við Íslandsstrendur til þess að þjóðin samþykki inngöngu í ESB. 

Það kemur í ljós í aðildarviðræðurm hvort það tekst.

[Sigurður Þórðarson, 23.4.2009 kl. 07:38]

Kæri Guðmundur, það er greinilegt að þú hefur verið blekktur. Aðildarviðræður snúast ekki um að breyta fiskveiðistefnu ESB. Þær snúast í mesta lagi um aðlögun og frest.

[Erla J. Steingrímsdóttir, 23.4.2009 kl. 15:24]

Ég er svo sammála þessari síðustu færslu. Ég verð svo pirruð þegar fólk er að tala um að það sé í lagi að fara í aðildarviðræður " til að sjá hvað við fáum" !!!! Eitt er alveg víst og það er að við fáum ekki 100% umráðarétt yfir okkar fiskimiðum.  Og við fáum ekki 100% umráðarétt yfir öðrum auðlindum okkar.  Afhverju heldur fólk að ESB vilji fá okkur í sambandið, af því að við erum svo skemmtileg???  Nei, alveg örugglega ekki.  Þeir vilja komast yfir fiskimiðin okkar og orkuna og vatnið.

[Sigurður Þórðarson, 23.4.2009 kl. 17:10]

Sæl Erla og þakka þér fyrir innlitið og þína góðu athugasemd. Það er því miður margir á höfuðborgarsvæðinu, þar sem ég bý, sem skilja ekki mikilvægi landsbygg'arinnar og sjávarútvegsins.