Fetar í fótspor Davíðs

Eins og allir vita er mjög eftirsótt að fá að vera sendiherra enda er þetta létt og skemmtileg vinna þar sem menn mæta prúðbúnir í veislur og skála fyrir hinu og þessu, fá allan kostnað greiddan og meira að segja vel borgað að auki. Davíð Oddson var greiðvikinn við vini sína og átti það til að gera vini sína að sendiherrum ef það lá vel á honum og skipti þá engu hvort slík störf væru laus eða ekki. Aðalatriðið var að þeir væru sannir vinir hans og hefðu skrifað vel um hann. Nú hefur Ingibjörg Sólrún Gísladóttur tekist að feta í fótspor meistara síns með því að skipa bestu vinkonu sína Kristínu Árnadóttur sendiherra þó alltof margir sendiherrar séu aðgerðalausir á fullum launum og til standi að fækka sendiráðum og því eru aðgerðalausir sendiherrar enn fleiri en ella. Ingibjörg sagði að nú hefði skapast svigrúm til að fjölga konum í sendiherrastöðum.  Ætli það séu margar konur í saumaklúbb með Ingibjörgu?

Fetar í fótspor Davíðs

Athugasemdir

[Rannveig H, 27.11.2008 kl. 12:15]

Ég hef alltaf sagt það þau eru spegilmynd hvort af öðru DO og ISG

[DoctorE (IP-tala skráð) 27.11.2008 kl. 12:21]

Dabbi og Solla eru búin á því... en að Birkir sé að bulla eitthvað er hlægilegt, pjakkurinn er sjálfur klúðrari á sterum

[Bjarni Hákonarson (IP-tala skráð) 27.11.2008 kl. 12:22]

Ingibjörg Sólrún hefur sýnt sig vera gerspillta og það versta er að hún ásamt DO sér ekki spillinguna. Siðblinda heitir það!

[Jakobína Ingunn Ólafsdóttir, 27.11.2008 kl. 13:03]

Ríkisstjórning burt. núna.