Nýjar upplýsingar. Ríkisstjórnin laug að þingi og þjóð.

Davíð Oddsson seðlabankastjóri lagði fram nýjar og athyglisverðar upplýsingar á viðskiptaþingi í gær: Samkvæmt þeim upplýsti seðlabankinn ríkisstjórnina nánar tiltekið þau Geir Haarde, Árna Mathiessen og Ingibjörgu Sólrúnu Gísladóttur um alvarlega stöðu bankana og í hvað stefndi ef ekki yrði brugðist við. Sá orðvari maður Guðjón Arnar Kristjánsson segir af þessu tilefni að "sé þetta satt eigi ríkisstjórnin að segja af sér því þá hafi hún logið bæði að þingi og þjóð". guðjón segir réttilega að það sé dapurlegt að skýrslunni hafi verið haldið leyndri fyrir stjórnarandstöðunni. Samkvæmt nýjustu fréttum hefur Ingibjörg ekki heldur sagt svila sínum Össuri Skarphéðinssyni frá þessu heldur.

Áfram íslenska þjóð - burt með spillingarliðið!

Handrit Seðlabanka ekki skilið eftir

Athugasemdir

[Urf (IP-tala skráð) 19.11.2008 kl. 08:42]

Sérkennileg hugmynd að það hafi verið "nýjar og athyglisverðar" upplýsingar fyrir ríkisstjórn Íslands í febrúar 2008 að staða íslensku bankanna gæti orðið alvarleg yrði ekki brugðist við. Um þetta leyti komu út skýrslur matsfyrirtækjanna með viðvörunarorðum um að lánshæfiseinkunnir bæði ríkis og banka væru í hættu, skuldatryggingarálög á bankana voru að ná ævintýralegum hæðum og mikil umræða var í samfélaginu um nauðsyn þess að efla gjaldeyrisvaraforðann þannig að kerfið í heild öðlaðist aukinn trúverðugleika. Allt sem Davíð las úr skýrslu sinni á fundinum í gær voru þekktar og fyrirliggjandi staðreyndir.

[Heimir Lárusson Fjeldsted, 19.11.2008 kl. 11:33]

Ljótt ef satt er.

[Fannar (IP-tala skráð) 19.11.2008 kl. 13:35]

Þvílíkir erki jólasveinar allir með tölu.  Eiga þessir álfar að koma okkur út úr þeim efnahagshamförum sem nú ríða yfir? 

Við gætum alveg eins látið dýrin í húsdýragarðinum stjórna þessu landi, það mundi ekki versna neitt til muna við það.