Eva Joly reynir að telja kjark í ríkisstjórnina

Ólíkt hafast þau að forsetinn og Eva Joly annars vegar sem tala fyrir málstað Íslendinga og Samfylkingin sem túlkar málstað Breta og Hollendinga og reynir allt hvað hún getur til að koma þjóðinni í Evrópusambandið  þó það kosti að þjóðin verði  leidd þangnn í skuldafjötrunum Icesave.

Einn helsti talsmaður Samfylkingarinnar Þórunn Sveinbjarnardóttir sagði nýlega að  sú aðgerð forsetans að leyfa almenningi að ráða framtíð sinni með því að kjósa um Æsseif þýddi að ríkisstjórnin væri komin í baráttu við forsetann upp á líf eða dauða. Skynsömu fólki líður ekki vel að þessi ísbjarnardrottning sem treyst er fyrir hagsmunum okkar skuli líta á besta talsmann íslenskra hagsmuna á erlendri grundu sem óvin ríkisstjórnar Íslands númer 1. Og aðstoðarmaður forsætisráðherra hefur hnýtt í og sent Evu Joly tóninn fyrir að taka málstað þjóðarinnar.

Íslendingar þurfa kannski vinveittar þjóðir en þeir þurfa samt fyrst og fremst vinveitta ríkisstjórn

 

Joly harðorð í garð Hollendinga

Athugasemdir

[Sævar Einarsson, 8.1.2010 kl. 01:28]

Þórunn Sveinbjarnardóttir er ógn við lýðræðið í landinu.

[Jón Daníelsson (IP-tala skráð) 8.1.2010 kl. 02:16]

Sæll gamli félagi

Margir hafa misst sig á báða bóga í þessu máli. Ég legg til að við látum öll reiðiorð ómerk.

Jafnvel þú mátt ekki ímynda þér að Nýtt Ísland verði til á einni nóttu. Við þurfum að sameina alla krafta.

Þórunn á eftir að iðrast þessara ummæla. Svo mikið er víst. En hvort hún lýsir því yfir er önnur saga - og sýnir heiðarleika hennar þegar þar að kemur.

[Sigurður Þórðarson, 8.1.2010 kl. 08:55]

Sæll Sævarinn, það er fráleitt að gera ísbjarnardömunni svo hátt undir höfði að hún geti ógnað lýðræðinu. En hún vinnur ekki að hagsmunum Íslands svo mikið er víst.

[Sigurður Þórðarson, 8.1.2010 kl. 09:21]

Sæll gamli og góði félagi Jón Daníelsson.

Ég er  ekki viss um að mér lítist á þetta Nýja-Ísland. Mætti ég þá heldur biðja um Gamla-Ísland þar sem íslenska þjóðin stóð saman í landhelgisdeilunum.Mér líst hreint ekki á þetta Nýja-Ísland þar sem ónefndir aðilar reyna í krafti auðmagns að hræða líftóruna úr fólki til að þá þjóðina til að axla þungar byrðar í framtíðinni. Ég tel víst að Þórunn skilji ekki alvarleika málsins.

En það var ágætt að heyra skynsama rödd Ingibjargar Sólrúnar Gísladóttur sem var  með gott innlegg.  Það var slæmt að hún skyldi veikjast og hætta í pólitík.

[Bryndís Böðvarsdóttir, 8.1.2010 kl. 12:31]

Samfylkingin er auðvitað blinduð af ESB draumórum sínum. Allt sem getur ógnað inngöngu okkar í ESB er fyrir þeim ógnun við lýðræðið.

[Sigurður Þórðarson, 8.1.2010 kl. 14:17]

Já það er afleitt að Evrópufylkingin skuli vera við völd þegar þetta mál kemur upp

[Árni Gunnarsson, 9.1.2010 kl. 15:07]

Að bera einhverjum það á brýn að hann sá landráðamaður er refsivert og við því eru þung viðurlög. Þess vegna mun ég sleppa því. Hitt vona ég að mér leyfist- og það er - að segja að mín skoðun er sú að afstaða Samfylkingar til ESB og það að vinna með þá afstöðu gegn þeirri vinnu að við leitum réttar okkar þegar við stöndum frammi fyrir kröfum sem þjóðinni er ofviða að greiða séu landráð.

Þetta er skoðun mín en hún hefur hvergi stoð í dómi.

[Sigurður Þórðarson, 9.1.2010 kl. 20:51]

Það er afar einkennilegt þegar maður veit að það sem maður hugsar má maður ekki segja hvorki ðí svefni né vöku vegna þess að það er refsivert.