Auðvitað er þetta rétt

En þá munu einhverjir sauðtryggir spyrja:  En hvað með hina?  Þarf Framsókn ekki að gera upp fortíð sína Samfylkingin osf?  Þá er líka til eitthvað sem heitir gott fordæmi.

Skoraði á fólk að kjósa Hönnu Birnu

Margur verður að aurum api

Sagt er að þessi "drengur" hafi boðist til að vera tálbeita og selja upplýsinngar um vini sína fyrir fé.  Mörgum hefur orðið hált á að selja sál sína fyrir 30 silfurpeninga.

Segir Sigurð átt að vera tálbeitu

Tilviljun?

Tímatal Maya hofst fyrir 5.125,40 árum og því hefst ný skipan milli jarðar og himingeimsins í dag. Þennan sama dag fyrir óralöngu völdu Freyr Njarðarson (ás) og Gerður Gymnisdóttir (jötunmær) til að gefast hvort öðru og njóta ásta í 9 daga og 9 nætur til að koma á nýrri skipan og hefja nýtt upphaf, jól.

Vonandi verður ný skipan himins og jarðar okkur öllum farsæl.

Gleðileg jól.

Upphafi nýrrar hringrásar í tímatali maya fagnað

Trúður gefur kost á sér í landsstjórnina.

Það þurfti trúð til að segja upp rúmlega 200 manns hjá OR sem gerðu ekki neitt. Enginn "ábyrgur" stjórnmálaflokkur hefði gert það. Þess vegna gætu einhverjir freistast til að fá trúð í stöðu utanríkisráðherra í von um að trúðurinn myndi segja upp gagnslausum sendiherrum. Þessu er samt engan veginn treystandi. ESB sinnar sem vilja stækka stjórnsýsluna á kostnað almennings og afhenda Evrópusambandinu fiskveiðilögsöguna skýla slæmum málstað sínum bak við viðfeldinn trúð sem þjóðinni þykir vænt um.

Jón Gnarr í 5. sæti í Reykjavík norður

Kærubréf frá dauðvona konu

Óhæfilegur dráttur er skaðlegur fyrir neytendur sem treysta (kannski um of) á hið opinbera eftirlitskerfi sem að mestu er til málamynda. Eftirlíkingapakkarnir eru um þúsunkalli ódýrari en búðirnar fá samt meira fyrir að selja það en Rautt Eðalginseng að því að mér er sagt. Hvergi í heiminum nema á Íslandi eru til svona ferkantaðir pakkar með sama texta. Nafn Eggerts Kristjánssonar hf er ekki á pökkunum, engin heimasíða og ekkert símanúmer. Flestir hefðu ekki eytt tíma í málið en Solveig Björsdóttir var sárlasin, skítblönk og full af réttlátri reiði yfir að hafa verið svikin. Ég fletti því upp að hún lést 9. október. Blessuð veri minning hennar. Það að Solveig sendi mér þetta eftir að hún veit að hún er með banvænan sjúkdóm segir mér að hennar ósk var að sjónarmiði sínu væri haldið til haga eftir sinn dag. Og er það hér með gert.

Sigurður Þórðarson

 

Frá Solveigu Björnsdóttur:

Datt í hug að þig langaði að sjá hvað ég sendi Jóhannesi og fleirum hjá Neytendasamtökunum (þ.á.m. lögfræðing þeirra og fleirum)

Góðan dag. Solveig heiti ég og bý í Vík í Mýrdal. Ég er með fyrirspurn og sendi á ykkur öll og vonast eftir svari og enn betra ef að það yrði litið á málið. ;o) Þannig er að ég er langveik og meðal þess sem að ég þarf virkilega á að halda er styrkurinn sem að ginseng gefur mér. Ég er búin að prófa nokkrar gerðir og búin að finna það sem að virkar og það er Rautt eðal ginseng. EN vandamálið er að þetta fæst ekki hér í Vík en þar sem að ég er oft í Reykjavík vegna læknastúss að þá hef ég nú yfirleitt birgt mig upp en lenti í því fyrir ekki löngu að mig vantaði orkuna mína svo að ég hringdi í mömmu mína sem að býr í Reykjavík og bað hana um að kaupa fyrir mig ginseng. Ég lýsti pakkningunni fyrir henni.. Kassi sem er rauður og gylltur og stendur á ginseng.. Ekkert flókið fannst mér. Nú svo barst pakkinn og ég horfði á gyllta og rauða kassann og jú hugsaði með mér að það væri eitthvað búið að breyta pakkningum en velti því ekkert meira fyrir mér og byrjaði að taka mitt eðal ginseng. En það barasta virkaði ekki almennilega eins og áður! Ég fór að skoða betur og þetta er eitthvað allt annað ginseng og ekki það rétta. Mamma er eðlilega miður sín yfir að hafa keypt vitlaust en hvernig átti hún að geta annað en ruglast þegar að umbúðirnar eru nánast eins og ekki bara það heldur er þeim stillt upp nánast við hliðina á því sem að greinilega fyrirmyndin. Má hafa umbúðirnar svona líkar og má hafa þetta svona hlið við hlið nánast? Þó að ég þurfi að borga aðeins meira fyrir hið rétta að þá geri ég það með glöðu geði því að gæðin eru mun meiri. Er ekki sátt við að hafa eytt aurum í töflur sem að gera ekki sama fyrir mig og hinar eingöngu vegna þess að umbúðir eru svipaðar. Þegar að ég áttaði mig á þessu að þá skyldi ég athugasemd vinkonu um að þetta gerði ekkert fyrir hana því að ég hafði jú sagt henni frá þessum umbúðum og hún hafði keypt.. Ég spurði hana nánar um þetta og jú hún hafði eins og mamma keypt gyllta og rauða kassann.... En það var bara ekki rétt tegund. Humm líklega ósáttari en að ég hélt að ég væri því pósturinn er orðinn langur en fyrir manneskju eins og mig sem að er að fást við alvarleg veikindi og þarf alla þá hjálp sem að ég get fengið að þá er frekar fúlt að lenda í svona bara vegna blekkjandi útlits. Enn og aftur.. Má gera umbúðir svona líkar þegar um lakari vöru er að ræða? Kær kveðja

Svar Neytendastofu: • Sæl Sólveig, Það er mál til meðferðar hjá Neytendastofuvegna þessara umbúða sem kvörtunin þín snýr að. Þegar það verðurkomin niðurstaða í málið verður hún birt á heimasíðu stofnunarinnar. Bestu kveðjur / Best regards, Þórunn Anna Árnadóttir Sviðsstjóri neytendaréttarsviðs Neytendastofa / Consumer Agency Borgartúni 21, 105 Reykjavík S./tel: + [phone] Bréfsími/fax: + [phone] www.neytendastofa.is 16. apríl 2012

Jón Bjarnason kallar á kirkjuna

Æ fleiri "kalla á Ásatrúarfélagið". (Er ekki eitthvað bogið við þetta orðalag)  Ég hitti Hilmar Örn um daginn og sagði hann mér að félagsmenn væru eitthvað á yfir tvö þúsund. Eru þá restin af þjóðinni að "sækja að félaginu"? Erum við sem ekki erum í þjóðkirkjunni að "sækja að henni". Nei, en reglur heimila ekki að maður sé skráður í fleiri en eitt trúfélag.  Sjálfur fer ég oft í kirkju og hef sem betur fer aldrei fundið mig óvelkominn.  Er ekki eðlilegra að ákalla guði en stofnun?

Við köllum á kirkjuna

Tortóla, kvótakerfi, Icesave, ESB og verðtrygging

Tortóla, kvótakerfi, Icesave, ESB og verðtrygging virðast vera helstu trúarlegu gildi Gylfa. Getur ASÍ ekki boðið í Villa Egils?

Gylfi endurkjörinn forseti ASÍ

Verkamaður í víngarði Drottins

Ég tók sjálfur þátt í mótmælum, leit reyndar á það sem borgaralega skyldu. Kannski hefði Geir Jón gert það líka ef hann hefði ekki verið önnum kafinn við löggæslustörf. Það var afar fróðlegt og gagnlegt að hlusta á hann ræða málin af hreinskilni í Valhöll. Geir Jón er öðlingur einn af þessum þýðu lögreglumönnum sem vinna sína skyldu en vilja lagið hafa í mannlegum samskiptum. Það er mikil eftirsjá af honum úr lögreglunni en ég vona að hans skarð verði fyllt þó mikið holrúm sé.

Fallegt lag með lögreglukórnum

Hreyttu svívirðingum í lögregluna

Líkist þessi maður Loka Laueyjarsyni sem stal Mjölni?

Dæmi nú hver fyrir sig en Loki lagði sig og ætt sína alla (jötna)  í gríðarlega mikla hættu þegar hann stal hamri Þórs til þess eins að fá að kvænast hinni eftirsóttu og náttúrumiklu Freyju dóttur Njarðar. Þetta var hið mesta hættuspil enda var "ætt jötna öll lamin" eins og segir í kvæðinu. 

Loki á Kaffi Loka

Hvað ef Graham biður fyrir Obama?

Ég skal segja ykkur það ein aðalfréttin í USA er að það hafi hlaupið á snærið hjá  Romney að fá öldunginn Billy Graham til að biðja fyrir sér og þetta muni skipta sköpum. En hvað ef Obama fær Billy til að biðja fyrir sér. Er hann þá ekki búinn að jafna metin? 

Graham biður fyrir Romney