Íslendingar á þunnum ís og verða að fara varlega

Sigmar stóð sig frábærlega og Geir var ágætur líka. Fortíðin er að
baki,  nú verða Íslendingar að gæta sín og Geir áttar sig á því. Nú blasir alvaran við, jafnvel
Samfylkingunni, sem getur ekki leikið sér eins mikið í 
utanríkismálunum. Við
verðum að styðja stjórnvöld til allra góðra verka hvað sem okkur kann
að þykja um fyrri verk þeirra. Sjávarútvegurinn skuldar nú 400% af ársveltu sinni, vegna kvótakerfisins. Ef kostirnir eru þeir að lifa við þröngan kost eða steypa komandi kynslóðum í skuldafen ríkissjóðs þar sem meira enn fjórða hver króna fer í vexti af erlendum lánum í amk 50 ár, þá vil ég treysta Geir og vonandi flestum stjórnmálamönnum, til að taka rétta ákvörðun. Geri þeir það mun þjóðin standa með þeim.

Við munum ekki láta kúga okkur

"Framboð Íslands út í hött"

Nánast allir Íslendingar nema stjórnvöld og þeir embættismenn sem éta úr lófa þeirra, vissu og létu í ljós að framboð Íslands til öryggisráðsins væri ekki bara peningasóun heldur heldur uppskafnings- og spjátrungsháttur. Til hvers ætlar land með 320.000 íbúa að sækjast eftir því að ákveða við hvaða lönd eigi að fara í stríð við? Einkum og sérílagi þar sem landið hefur ekki aðra leyniþjónustu en greiningardeild eða annan her en Hjálpræðisherinn. Kannski hefði eina gagnið verið að halda utanríkisráðherranum og nánustu fylgifiskum í New York. Gallinn var sá að það hefði verið kostnaðarsamt. "Betri er hálfur skaði en allur"

Framboð Íslands út í hött?

Þjóðstjórn strax! Hvað myndi FF gera núna?

Ráðamenn eru mjög hissa og vita ekki sitt rjúkandi ráð en telja þó að ástandið, sem þeir hafa engin tök á, sé mun alvarlegra en talið hafi verið. Þegar öllu er á botninn hvolft eru þrjár leiðir út úr vandanum. 1. Auka tekjur 2. Eyða minna 3. Taka meiri lán.   Ríkistjórnin hirðir ekki um að skoða neitt nema þriðju leiðina og situr föst í því fari. 

 Ef stjórnarandstaðan yrði kölluð til væri hægt að ræða nýjar leiðir og lausnir.

Frjálslyndir myndi byrja á að gefa krókaveiðar frjálsar og losna þannig við brottkastið  hjá smábátum. Síðan myndu þeir skipta flotanum upp í flokka og losna alveg við brottkast með afnámi aflamarks á báta en vera með svæðabundna sókn. Þannig mætti auka tekjurnar um tugi og jafnvel hundruð milljarða jafnframt því sem stofninn væri byggður upp.

Þá myndu þeir skera niður ofþenslu í utanríkisþjónustunni og öryggisráðsruglið.

Guðjón Arnar, traustur aflaskipstjóri að vestan hefur af góðum hug boðist til að aðstoða ríkisstjórnina. Hún ætti að þekkjast það. Góður skipstjóri hafnar ekki neinni aðstoð, síst af öllu vaskra manna við að berja ís í ágjöf. 

Alvarlegri en talið var

Hrossalæknir rekur ríkissjóð með halla!

 

Kortið sýnir stöðu hinna ýmsu ættflokka í Afganistan á þeim tíma þegar Ingibjörg kynnti sér málið en staðan hefur breyst nokkuð síðan þá.

Þá er dýralæknirinn búinn að leggja fram ramma að fjárlögum til fjögurra ára, sem sýnir að stjórnin ætlar að starfa a.m.k. eitt ár fram yfir næstu kosningar. Mörgum þykir ríkisstjórninni farast illa að þykjast sjá langt fram í tímann en forsætisráðherra sagði sem kunnugt er í mars að botninum væri náð en síðan þá hefur gengið fallið um 30%.  Skilaboðin eru skýr: Heimilin skulu spara við sig og skera niður en ríkið eykur eyðsluna. Sparnaður ríkissjóðs virðist eingöngu vera til málamynda. Til dæmis er spöruð olía svo skip Landhelgisgæslunnar komist ekki á sjó en mun hærri upphæð er eytt í tveggja daga útsýnis- og eftirlitsflug franska flughersins yfir landinu. Þá þenst utanríkisþjónustan út, sem aldrei fyrr, enda eru þar mörg brýn verkefni svo sem að ISG kynni sér betur ættflokkaerjur í Afganistan. En þangað fór hún fyrr á árinu í fylgd lífvarða úr sérsveit lögreglunnar í þeim tilgangi en sagði við heimkomuna að þessi mál væru flóknari en svo að ein ferð dygði til að koma sér inn í þau.

57 milljarða króna halli

Vestmanneyingar greiði tjónið

Geðfatlaður Bandaríkjamaður á um sárt að binda vegna þess að hann veðjaði 37.000 bandaríkjad´ölum á að ÍBV ynnu KA. Bandaríkjamanninum geðfatlaða er talsverð vorkunn sjálfur hefði ég talið nær öruggt að ÍBV ynnu KA enda eru þeir með betra lið. Það er því ekki erfitt að gera sér í hugarlund særindi hans. Vestamanneyingar hefðu vel getað staðið sig betur og afstýrt þessum skaða. Því stendur það þeim næst að bæta manninum tjónið sem hann getur ekki borið einn.

ÍBV menn fá undarlegt bréf

KR kaupir allt kvikt á fæti

Miðað við stöðu Akranes í Landsbankadeildinni þyrftu  þeir á öllu sínu að halda.  Nú er einn þeirra besti maður, sonur fyrrum þjálfara, Bjarni Guðjónsson genginn til liðs við KR.  Stundum finnst manni litlu félögin vera þjálfunarbúðir og útungunarstöðvar fyrir peningamaskínurnar.  "Það er af sem áður var".

Hvar er ungmennafélagsandinn? 

Bjarni genginn í raðir KR

Grindvíkinar falla ekki

Ég  er algjörlega ósammála öllum hrakspám um Grindavíkurliðið, það er einfaldlega allt of gott til  að geta fallið. Scott Ramsey er að mínu mati einn allra besti leikmaður deildarinnar, hraður, flinkur og kraftmikill. Þá er Grindavík með tvo mjög góða bakverði þá Ray Antony  og Jósep Kristján Jósepsson ég spái því að það sé aðeins tímaspursmál hvenær Jósep verður valinn í landsliðið. Grindavíkurliðið er með frábæra einstaklinga sem  kæmust í hvaða byrjunarlið sem er hérna heima. En helsti veikleiki þeirra er að það hefur skort upp á breidd. Nú eru þeir að fá tvo menn þá Grétar Hjartarson og einhvern Namibíumann sem sagður er góður.

Ramsay tryggði Grindavík sigur gegn KR

Skoðanakönnun um Landsbankadeildina

Takið þátt í könnun um Landsbankadeildina

Nýr hestur í miðri á.

Gunnari Guðmundssyni þjálfara HK var sagt upp í dag, þar sem árangur liðsins er undir væntingum, þrátt fyrir mjög góðan árangur hans undanfarin ár.  Sem knattspyrnuáhugamaður fullyrði ég að Gunnar er ekki versti þjálfari Landsbankadeildar karla, árangurinn er ekki til að hrópa húrra fyrir núna í byrjun en á það ber að líta að HK er ekki heldur stjörnum prýtt lið eins og sum sem eru lítið eitt ofar. En hvort sem þetta er sanngjarnt eða ekki þá orkar alltaf tvímælis  að skipta um hest á sundreið í straumharðri  á þótt hrossið beri tímabundið af leið undan þungum straumnum. Vonandi farnast báðum vel.

Gunnar Guðmundsson á góðum degi 

Gunnari sagt upp sem þjálfara HK

"Stelpurnar okkar"

Það var sannarlega gaman að fylgjast með landsleik íslenska kvennaliðsins í knattspyrnu etja kapp við slóvenskar stöllur sínar. Í húfi var réttur til umspils um að komast á sjálft Evrópumótið. Kvennaliðið  hefur aldrei verið betra og áhugi fyrir kvennaknattspyrnunni er í stöðugri sókn enda var mætingin með besta móti. Það var rífandi stemning í blíðskaparveðri í dalnum og stelpurnar höfðu greinilega gaman af þessu og voru einum gæðaflokki betri en þær slóvensku.  Þær voru allar frábærar í dag en að öllum ólöstuðum vil ég hæla Katrínu Jónsdóttur fyrirliða og Margréti Láru, sem skoraði þrennu og fór af velli þegar 33 mínútur voru eftir.  Mér sýndist hún verða fyrir einhverju hnjaski og vona að það sé ekki alvarlegt.                                 

 

Stelpurnar eiga það skilið að þjóðin standi með þeim.

Ísland vann stórsigur á Slóveníu