Tökum lensið!

Vaxtarsproti vísinda, tækniframfara og hagvaxtar er í Austur - Asíu.

Íslendingar eiga stórkostlega möguleika með því að klára fríverslunarsamninga við Kína og Kóreu. Það eru óþjótandi markaðir fyrir fisk, líka fyrir makríl sem Evrópusambandið vill ekki leyfa okkur að veiða. 

Þegar skipstjórnarmenn nota hastæða strauma og vindátt heitir það að "nýta lensið" eða einfaldlega að "taka lensið".   Við eigum að nýta lensið og góðan byr til að sigla þöndum seglum beitivind út úr kreppunni. 

Hin leiðin er náfaðmur ASG sem má lesa um hér: http://skulablogg.blog.is/blog/skulablogg/entry/939816/

 Íslendingar standa á krossgögum, valið stendur á milli þess að taka lensið eða vera skuldug upp fyrir haus undir handarjaðri ASG.

 

Gyðinahatursparanoja?

Ég er enginn lestrarhestur en ég hef lesið nokkrar bækur eftir Knut Hamsund, þar með talið bestu skáldsögu sem fyrir augu mín hefur borið Gróður Jarðar.  Aldrei hef ég séð stafkrók í bókum hans sem túlka má sem andúð á gyðingum hvað þá hatur. Nú eru Norðmenn kallaðir gyðingahatarar fyrir að halda upp á 150 ára fæðingarafmæli Knut. Ég vona að engum detti í hug að kalla mig gyðingahatara fyrir að hafa viðurkennt að ég hef ekki lesið betri skáldsögu en eftir Knut Hamsund.

Segir Norðmenn hata gyðinga

Gustar af Árna Johnsen

Árni Johnsen er umdeildur en hann er þó óumdeilanlega skemmtilegur. Í meðfylgjandi myndbandi sýnir Árni á sér baráttugleði og skemmtilega takta. http://www.althingi.is/altext/hlusta.php?raeda=rad20090820T221841&horfa=1

Dregur úr vindi í kvöld

Sigmundur fer mikinn í Æsseif. Æsifengin myndbönd

 

Hérna er umræðan óstytt: http:   http://www.althingi.is/altext/hlusta.php?raeda=rad20090820T225551&horfa=1

Funda um Icesave um helgina

Nýja Ísland, hvenær kemur þú?

Kvótinn, bankarnir gefnir, kúlulán, eigur hersins afhentar útvöldum.

Það mun taka langan tíma að hreinsa til eftir Sjallana segja menn. 

Svo er spurningin hver eigi að gera það?  Er það liðið sem vill afhenda Evrópusambandinu allt laust og fast? Er það liðið sem sér þann eina kost að skuldsetja börn okkar og barnabörn, gera þau að Ísþrælum, "til að við fáum mannorðið aftur"?  Eða eigum við kannski að treysta þeim sem nú þykjast vera hneykslaðir en studdu alltaf spillinguna hvenær sem þeir áttu þess kost?   Hvað er til ráða? Spyr sá sem ekki veit.

Gamli Landsbankinn afskrifar skuldir Magnúsar

Samfylkingin spurð: Á að þvinga Ísland inn í Evrópusambandið?

Það var Ingibjörg Sólrún Gísladóttir, sem krafðist þess að Ísland tæki lán hjá Alþjóðagjaldeyrissjóðnum. Gott ef það var ekki eitt skilyrða fyrir áframhaldandi stjórnarsamstarfi við Sjálfstæðisflokkinn.  Af hverju var hagstæðu láni frá Rússum hafnað? Nú er myndin að skýrast og því miður ber allt að sama brunni: Af hverju hefur gríðarlega hagkvæmur  fríverslunarsamningur við Kína verið settur á ís? Af hverju liggur Samfylkingunni svo á að samþykkja uppgjafaskilmála við Breta sem munu færa komandi kynslóðum ánauð og fátækt? Og að lokum. Af hverju skilar Samfylkingin og frambjóðendur hennar ekki "styrkjum" frá þeim sem báru ábyrgð á Icesave?

 

„Íslendingar vildu ekki lán frá Rússum"

Ögmundur hafði betur í rimmunni við Steingrím Mosdal

Spurnir eru af því að Svavars-armurinn í VG hafi vígbúist og smalað grimmt fyrir fundinn og reyndu að þjarma að Ögmundi en urðu undir í atkvæðagreiðslu. Ögmundur hefur vaxið með hverri raun og hann stóð sig afburðavel í Kastljósi kvöldsins, það er meira en hægt er að segja um Steingrím Mosdal (bróður Ragnars Reykás) sem sagður er sækjast eftir æðstu metorðum í Samfylkingunni en kemur opinberlega fram í gervi Steingríms J. Sigfússonar formanns VG.

Fjölmenni á félagsfundi VG

Ógeðsdrykkurinn Æsseif inniheldur ekki harðfisk, hákarl, slátur og sviðakjamma

Æsseif, eins og hann lítur út í glasinu, er óheilsusamlegur ógeðsdrykkur og það ætti ekki að neyða neinn mann til að innbyrða hann og allra síst heila þjóð.  Dr. Gauti B. Eggertsson (bróðir Dags B Eggertssonar) telur algerlega nauðsynlegt að þjóðin kyngi drykknum og varar við því að stjórnin falli verði það ekki gert.

"Um hvað yrði nýja ríkisstjórnin? Icesave, jú það er væntanlega málið að fella þann samning? Og svo yrði líklega fyrsta verk hinnar nýju ríkisstjórnar að draga til baka umsókn í ESB? Væri það óneitanlega táknrænt um einangrun landsins. Kannski rétt að segja sig úr nato líka og sameinuðu þjóðunum? Taka bjart í sumarhúsum á þetta?
Fara að snúa sér aftur að því að lifa á harðfiski, hákarli, slátri og sviðakjömmum?"

Er verið að lofa þjóðinni því að hún losni við harðfisk, hákarl slátur og sviðakjamma með því að kyngja ógeðsdrykknum í einum gúlsopa?

Ásmundi bónda mæltist vel í Kastljósi  í kvöld þegar hann sagðist vilja  sjá atkvæðagreiðsluna fara 63:0  "Þetta er ekki flokkspólitískt mál og þjóðin hefur alls ekki efni á að skiptast í fylkingar núna" sagði bóndinn. 

Financial Times fjallar um Icesave-deiluna

Lausn ríkisstjórnarinnar: Kosið um Æsseif?

Íslendingar hafa fengið að kjósa um staðsetningu flugvalla, opnumn áfengisútsölustaða, sameiningu sveitafélaga og hundahald. En af einhverjum ástæðum finnst stjórnmáamönnum ekki tilefni til að leyfa almenningi að kjósa um Æsseif þó sami almenningur sé nógu góður til að borga.  

Rökstuðningurinn fyrir Æsseif er sá að íslensk yfirvöld haf slegið slöku við eftirlitsskyldu sína og því verði íslenskur almenningur að borga.

Gott og vel en hvaða réttlæti er í því að þessi sömu yfirvöld og slógu slöku við ætli að fresta vandanum fram yfir þann tíma sem þau eru við völd og umbreyta Æsseif í erfðasynd fyrir unga og ófædda Íslendinga svo þeir megi sligast út lífið ef þeir flytja ekki af landi brott? 

Nú eru uppi raddir um að kjósa um Æsseif og það gæti bjargað ríkisstjórninni.

Efast um alvöru þingmanna

Leppstjórnin bannar Íslendingum að bjarga sér.

Þó Íslendingar hafi ekki afsalað sér forræði yfir fiskimiðunum til ESB er umboðsstjórnin svo þjökuð af minnimáttarkennd gagnvert lánadrotnum okkar  ESB, AGS og IMF að hún er byrjuð að stjórna eins og hún telur að ESB muni gera ef þeir taka formlega við valdataumunum.. Sjómenn eru á hröðum flótta um allan sjó undan makríl sem ekki má veiða. 

Lesið hér stórmerkilega grein eftir Jón Kristjánsson fiskifræðing

Of mikið gert úr gjaldeyrisvarasjóði