Skúbb! Framsóknarfélögin í Rvk. með fund í kvöld

Ég hef áreiðanlegar heimildir fyrir því að Ólafur hafi boðist til að standa strax upp úr borgastjórastólnum strax, gegn því að halda í málefnasamninginn. Þetta mun ekki duga enda gætir vaxandi óþreyju hjá vissum peningaöflum í garð meirihlutans. Framsóknarfélögin í Reykjavík eru með (leyni)fund í kvöld, þeir sem til þekkja vita að til slíks fundar er ekki boðað nema fyrir liggi samningur. 

Samstarfið á „endastað"

Athugasemdir

[Salvör Kristjana Gissurardóttir, 14.8.2008 kl. 12:24]

Ég er stjórnarmaður í félagi Framsóknarmanna í Reykjavík og ég hef ekki fengið neitt fundarboð. Mér finnst hins vegar ekki ólíklegt að þeir sem starfa mest í borgarstjórnarmálunum og voru í ráðum og nefndum séu eitthvað að hittast þó ég viti ekki um það. Annað væri nú óábyrg staða í svona upplausnarástandi. Ef núverandi meirihluti springur þá er frekar líklegt að Framsókn verði í næsta meirihluta hver sem hann nú verður.

[Sigurður Þórðarson, 14.8.2008 kl. 12:28]

Salvör, ég ítreka að ég hef það frá fyrstu hendi að í morgun hafi verið símboðað á fund hjá framsóknarfélögunum í Reykjavík með helstu trúnaðrmönnum vegna þeirra viðræðna sem átt hafa sér stað að undanförnu.

[Gestur Guðjónsson, 14.8.2008 kl. 12:47]

Sigurður. Það hefur ekki verið boðað til neins fundar, hvorki í félögunum né kjördæmasamböndunum.

[Sigurður Þórðarson, 14.8.2008 kl. 12:52]

Gestur, þakka þér fyrir að koma þessari leiðréttingu á framfæri, ég trú þér.

Ég taldi mig hafa upplýsingar um þetta, frá fyrstu hendi, þ.e. aðila sem lengi hefur þekkt til í flokknum.   Annað hvort hefur viðkomandi tekið rangt eftir eða sagt mér rangt til. 

[Jón Ingi Cæsarsson, 14.8.2008 kl. 13:14]

Ekki trúi ég að Óskar Bergson ljúgi upp í opið geðið á þjóðinni.

[Birgir Hrafn Sigurðsson, 14.8.2008 kl. 13:25]

nei, ef þú myndir trúa því þá kæmist hann ekki upp með það.

[Sigurður Þórðarson, 14.8.2008 kl. 13:43]

Það eru margar flugufréttirnar sem ganga.  Ég efast ekki um að Gestur segi satt en á þessu er skýring sem þekki ekki hver er. Það hafa farið fram viðræður æðstu manna en hugsanlega eru þær ekki jafn þroskaðar og talið var?

[Jón Ingi Cæsarsson, 14.8.2008 kl. 14:04]

Það bendir flest til þess að framsóknarmennirnir hér auk Óskars Bergssonar hafi verið að ljúga upp í opið geðið á þjóðinni... !!

[Rósa Aðalsteinsdóttir, 14.8.2008 kl. 14:15]

Sæl öll.

Þetta er búið að vera meiri skrípaleikurinn í borgarstjórnarmálum allt frá kosningum. Vonandi lærið þið á þessu og veljið fólk í prófkjöri sem er ekki að þróast í apa.   

Samúðarkveðjur til Reykvíkinga.

[Sigurður Þórðarson, 14.8.2008 kl. 16:21]

Jæja, þá er óþarfi að vera með látalæti.

[Jens Guð, 14.8.2008 kl. 16:33]

  Frá því þú skrifaðir þessa færslu í morgun hefur hægt og bítandi komið í ljós að þín heimild er traust.  Óskar hefur orðið uppvís af ósannindum.  Og ekki í fyrsta skipti.  Ég minni á að hann þrætti á fullu fyrir að Framsóknarflokkurinn hafi borgað nýbúum fyrir að kjósa flokkinn.  Síðar komu fram menn undir nafni sem staðfestu að Óskar og félagar hafi keypt atkvæði þeirra. 

[Sigurður Þórðarson, 14.8.2008 kl. 16:44]

Óskar var kallaður "barnapían" þegar hann pasaaði sjálfstæðismennina.

 Núna var yfirsetukona yfir Ólafi, þóttist vera að semja við hann meðan aðrir mynduðu meirihlutann með fyrrverandi "barnapíu"

[Guðsteinn Haukur Barkarson, 14.8.2008 kl. 16:48]

Rétt hjá Jens Guð, Óskar hefur logið og logið í öllu þessu, og þess vegna hafa heimildir þínar verið áreiðanlegar Siggi minn.

[Rósa Aðalsteinsdóttir, 14.8.2008 kl. 18:47]

Sæll Siggi minn.

Svo þú hafðir réttar forsendur en hér kom fólk og reyndi að draga úr því sem þú skrifaðir.

Segi bara: "Allt þegar þrennt er og fullkomið í fjórða sinn."

Votta ykkur Reykvíkingum samúð mína.

Frjálslyndar friðarkveðjur/Rósa

[Eggert Ólafur Sigurðsson (IP-tala skráð) 14.8.2008 kl. 19:04]

Ég dreg það í efa að það verði nokkur fundur, báðir framsóknarmennirnir sem eftir eru sögðu það hér að ofan.