Er ríkisstjórnin skipuð mannréttindaníðingum?

 Þessu hélt Grétar Mar Jónsson, fram í þingræðu á alþingi í gær og uppskar ávítur og bjölluslátt frá þingforseta, sem er samfylkingarmaður og var á móti kvótakerfinu áður en flokkurinn fór í ríkisstjórn með Sjálfstæðisflokknum.  Gamalt máltæki segir að "sannleikanum sé hver sárreiðastur".  Var bjölluslátturinn þess vegna svona ákafur?  Mannréttindanefnd Sameinu þjóðanna hefur úrskurðað að það séu mannréttindabrot að mismuna þegnunum með því að búa til lénaskipulag í sjávarútvegi.
Mér finnst framkoma Geirs í þessu máli heldur aumleg. Hann heldur því ranglega framað við séum ekki skuldbundin til að fara að úrskurði mannréttindanefndarinnar.  Hvað er maðurinn að meina?  Með þessu opinberar forsætisráðherrann vanþekkingu sína á alþjólegum skuldbindingum landsins.  En segjum að hann hefði nú rétt fyrir sér finnst honum þá allt í lagi að brjóta mannréttindi?

Að hinu leytinu finnst mér það slappt hjá forsætisráðherra að sega að "lögfræðingar muni svara mannréttindanefndinni". Íslensku lögfræðingarnir eru búnir að skila greinargerð úrskurðurinn er fallinn.  Mannréttindanefndin er að bíða svara um hvenær ríkisstjórnin ætlar að láta af mannréttindabrotum. Þetta hljómar eins og pörupiltur sem staðinn er að verki og segist ekki svara fyrr en lögfræðingurinn komi, í veikri von um að honum verði reddað. 

 

 

Þingi frestað fram í september

Athugasemdir

[Rósa Aðalsteinsdóttir, 30.5.2008 kl. 20:32]

Sæll Siggi minn.

Ótrúlegt að það sé búið að fresta þingi og nóg af málum sem biðu umfjöllunar.

Fyndið þetta með Grétar M. Jónsson. skiptir um skoðun til að vera í meirihluta.

það er ömurlegt að forráðamenn hér á Íslandi skuli halda að þeir séu hafnir yfir alþjóðleg lög eins og með fiskveiðar.

Málefni öryrka var skotið til alþjóðadómstóls og þegar málið var afgreitt var það okkur í hag en þá var drifið í að breyta lögum svo ríkissjóður myndi ekki blæða.

Flott mynd af Haarde. hann er mjög breiðleitur miðað við venjulega.

Kær kveðja/Rósa

[Sigurður Þórðarson, 30.5.2008 kl. 21:31]

Sæl Rósa mín,

 Grétar Mar Jónson skipt um skoðun humm, ég sem hélt að hann skipti aldrei um skoðun. Ertu ekki að taka feil?  

Ég fagna  því að alþingi skuli hafa haft rænu á að mótmæla hrikalegri meðferð á föngum í Guantanamo. Maður hefur heyrt svo hroðalegar lýsingar af limlestingum þarna að maður skilur ekki það "skítlega eðli" sem liggur þar að baki.  Hvar er mannleg samkennd? Hvernig réttlæta menn þessi níðingsverk fyrir guði sem segir:"það sem þú gerir mínum minnsta bróður, það gerir þú mér" Hvernig réttlæta þeir þetta fyrir sjálfum sér? Og hvernig gengur þeim að sofna? Spyr sá sem ekki veit.

Jú jú okkar ráðamenn eru nú ekki syndlausir eins og þú segir bæði gagnvart öryrkjum og sjómönnum.  Já hann Haarde okkar hefur gaman af að syngja, hann er breiðleitur í dag og brosir og  hefur ekki áhyggjur af þessu. Ó nei.  

[Jens Guð, 30.5.2008 kl. 21:43]

Geir Haaarde hefur sjaldan brosað jafn breitt. 

[Rósa Aðalsteinsdóttir, 30.5.2008 kl. 23:15]

Sæll Siggi minn.

Ég er mjög sátt að Alþingi skildi mótmæla níðingsverkum sem eru framin í Guantanamo. Því miður er fársjúkt klikkað  fólk út um allt og það virðist vera að það sækist í stöður fangavarða og ýmsar stöður þar sem hægt er að framkvæma ýmis níðingsverk. barnaníðingar sækjast eftir stöðum þar sem hægt er að vera sem næst börnum svo ég taki einhver dæmi.

Það er ekki hægt að réttlæta pýntingar, kúgun , ofbeldi, misnotkun á börnum, nauðgun, pýntíngar, morð svo ég taki aftur einhver dæmi af mörgum. Þetta er ekki Guði þóknanlegt en við höfum frjálsan vilja og þarna eru á verki klikkað fólk sem er stjórnað líka af klikkuðu yfirstéttarfólki. Eða það hlýtur að vera fyrst það leyfir svona meðferð á fólki sem er sumt þarna á röngum forsendum. Aldrei verið réttað yfir þessu fólki.

En ég er ekki ánægð með að það virðist ekkert vera hægt að gera í eftirlaunamálum forráðamanna þjóðarinnar. En það var auðvelt að semja lög og redda sér svo öryrkjar fengu ekki það sem þau áttu að fá samkvæmt mannréttindadómsstól.

Ekki öfunda ég forráðafólk þjóðarinnar þegar þau þurfa að mæta fyrir dómstól Guðs eftir veru sína hér á jörðu. Þá verður farið yfir allt og vil ég meina að sakaskráin sé ekki hrein.

Góða nótt/Rósa