Jóhanna lýsir verkleysi samninganefndarinnar

Almannatengslastofa úti í bæ, sem kostar skattgreiðendur stórfé skipulagði heimkomu samninganefndarinnar með pomp og prakt, tekið var á móti samninganefndinni eins og landsliðshetjum í beinni útsendingu. Núna segir Jóhanna að sami samningur hafi verið á borðinu í mars og eyðileggur þar með alla vinnu almannatengslastofunnar!

Áttum kost á Icesave-samningi í mars

Þessi kona vinnur á.

Það væri órafjarri sannleikanum að segja að ég væri sammála Sigríði Ingibjörgu Ingadóttur í Evrópumálum. En hitt verð ég að segja að þessi þingmaður vex stöðugt í áliti hjá mér með störfum sínum og málflutningi. 

Sagði þá vera drullusokka

Fróðleg færsla um tengsl Össurar og Árna Matt

Upplýsandi grein eftir Jón Kristjánsson fiskifræðing um þá kumpána úr hrunastjórninni Össur og Árna Matt

Ef herra Karl væri ásatrúar?

Íslendingar hafa í raun aldrei verið kristnaðir, flest eldra fólk trúir á góðar vættir, jafnvel álfa og er forlagatrúar. Siðferðisgildi flestra byggja
að mestu  á heiðnum gildum s.s. drenglyndi, heiðarleik og virðingu fyrir
náttúrunni. Ætli herra Karl yrði verri maður ef hann væri ásatrúar?

Vegið að rótum trúarinnar

Þarf að hefta fjölmiðla?

Nýju fjölmiðlafrumvarpi er ætlað að setja bönd á fjölmiðla og koma m.a. í veg fyrir allan hatursáróður.

Það setur að mér ugg. 

Þurfa stjórnvöld að hefta fjölmiðla?

Mælt fyrir fjölmiðlafrumvarpi á ný

Stjórnmálastéttin reynir að ná samstöðu um að viðhalda sér.

 Fólki er gróflega misboðið.

 En hvað er til ráða, nýr trúður, utanþingsstjórn eða þjóðstjórn?

Það er erfitt að hugsa sér að nokkur trúður yrði í raun verri en það er samt heldur ekki gefið að hann yrði betri.  Sama má segja um utanþingsstjórn hún yrði fíaskó því hún yrði alltaf háð þinginu. Þjóðstjórnarhugmyndina er hægt að afgreiða með gömlu orðtaki sem segir að því verr gefist heimskra manna ráð eftir því sem fleiri koma saman.

Er ekki kominn tími til að bændur og aðrir bústólpar úr öllum fjórðungum haldi þjóðfund á Þingvöllum og skipi í Lögréttu?  Hilmar Örn Hilmarsson allsherjargoði er vís með að vera okkur innan handar.

Fólki er misboðið og bíður eftir einhverju réttlæti

Háttvirtur er öfugmæli

Því verður vart trúað að þingforseti krefjist þess að menn séu ávarpaðir með öfugmælakveðjum.

Hætt að segja háttvirtur

Sjálfstæðismenn ekki sakhæfir?

Sjálfstæðismenn á þingi þykjast vera yfir sig hneykslaðir vegna þess að margir þingmenn vilja fara eftir stjórnarskránni sem sjálfstæðismenn voru fyrir nokkrum dögum að átta sig á að væri úrelt, í það minnsta öll ákvæði sem leitt gætu til sakfellingar nokkurs úr þeirra röðum.

Ofstækið er slíkt að þeir segja að öll endurreisn sé útilokuð verði stjórnarskránni framfylgt. Landsdómi er líkt við  pólitískar galdraofsóknir þó  11 af 16 dómurum þar hafi verið valdir fyrir það að vera sjálfstæðismenn. 

Ískalt viðmót á þinginu

Óttinn við kosningar

Það er augljóst að óttinn við kosningar fældi Samfylkinguna frá að taka freistandi tilboði Sjálfstæðisflokksins um bandalag þessara flokka um lögleysi og spillingu, með því að sniðganga ákvæði stjórnarskrárinnar um Landsdóm.

Það er hægt að draga hest að brunni en verður hægt að þvinga hann til að drekka?

Kosið um hvern og einn

Handrukkarinn en ekki pólitískur leiðtogi

Mér skilst að handrukkarinn sem ógnaði Kúbumanninum sé búinn að berja tugi Íslendinga til óbóta.  Handrukkarinn hefði betur haldið sig við að berja Íslendinga því um leið og hann brá af venju fékk  maður sem kallar sig "prest innflytjenda" þó hann sé annarrar trúar en nánast allir innflytjendur kærkomið tækifæri til að réttlæta  viðveru sína á ríkisjötunni: Þarna væri lifandi kominn leiðtogi kynþáttahatara á Íslandi.  

Borgarstjórinn stendur af þessu tilefni fyrir skrúðgöngu á morgun og því er fleygt að boðið verði upp á pylsur og kók. Þetta er kærkomin upplyfting fyrir tugþúsundir atvinnulausa og annað fátækt fólk, sem hugleiðir að flýja land vegna efnahagsóstjórnar.

Spurningin er hvort handrukkarinn rísi undir ábyrgðinni?

 

 

 

„Jón blessunarlega laus við fordóma"