Færsluflokkur: Sveitarstjórnarkosningar

Lati Geir við lækjarbakka, lá þar til hann dó, langaði vatn að drekka en nennti ekki þó.

Árum saman hafa sjómenn og smábátaútgerðamenn í Grundarfirði beðið sjávarútvegsráðuneytið um leyfi til að veiða síld í reknet í Kolgrafarfirði og fékkst það loks í fáeina daga innan brúar, því síldin utan brúar var ætluð öðrum.  Sjávarútvegsráðherra átti úr vöndu að ráða því það var slæmt til afspurnar að "besta fiskveiðistjórnarkerfi í heimi" léti tugmilljarða útflutningsverðmæti reka á fjörur til þess eins að skapa ýldu- og óþef sem legðist eins og mara yfir afskipt sjávarþorp, salt í sár atvinnuleysis.

Því hlýtur það að vera fagnaðarefni fyrir Hafrannsóknarstofnun og sjávarútvegsráðuneytið að tugþúsundir máfa 12000 súlur og hundruð háhyrninga skuli  vinna á síldinni þannig að ekki þurfir að láta undan kröfum Grundfirðinga sem horfa út um eldhúsgluggann á aðfarirnar.  Hvað segja grundfirskir sveitarstjórnarmenn um þetta?


mbl.is Taldi tólf þúsund súlur
Tilkynna um óviðeigandi tengingu við frétt

Síldin verður vöktuð fram í andlátið.

Svo krökkt er af síld í innanverðum  Breiðafirðinum að hún nær ekki andanum. Það er að nokkru leyti Hafrannsóknarstofnun að kenna því það var að hennar ráðum sem allsherjarráðherrann stöðvaði veiðar í haust og nú jaðrar við umhverfisslysi. Háhyrningar, fuglar og krabbadýr bjarga því sem bjargað verður.  En stjórnvöld hyggjast veitta fjármagni í  vöktun á síldina.  Guði sé lof fyrir að slökkvilið fær ekki fjármagn til að setja vöktun á hús meðan þau brenna.
mbl.is Setja upp vöktun í Kolgrafafirði
Tilkynna um óviðeigandi tengingu við frétt

Skarð

Það verður skarð fyrir skildi þegar Lilja Mósesdóttir hverfur af Alþingi. Fjölmargir stjórnmálamenn í öllum flokkum hafa leitað undir verndarvæng sérhagsmunaafla og kostunaraðila sem stýra fjölmiðlum. Gríðarleg magn aflandskróna í eigu vogunarsjóða ógnar lífsafkomu almennings næstu áratugi ef ekki verður brugðist við. Þessi viðfangsefni eru alvarlegri en svo að þau kalli á populisma og grín í formi "Bjartrar framtíðar".
mbl.is „Mikill sjónarsviptir að Lilju“
Tilkynna um óviðeigandi tengingu við frétt

Sól skein sunnan

Í Bjarna Harðarsyni sameinast þeir þætti að vera í senn þjóðlegur og skemmtilegur. Sunnlendingar hafa löngum sýnt að þeir kunna að meta slíka kosti og þessi könnun staðfestir það. Vonandi verður Sunnlendingum að ósk sinni.
mbl.is 44% vilja Bjarna Harðar á þing
Tilkynna um óviðeigandi tengingu við frétt

ESB vill gera Ísland að beitarhjáleigu

Evrópusambandið skortir haga fyrir 1,5 milljón tonn af banhungruðum makríl sem það hefur stefnt inn í íslensku lögsöguna til að nærast og fita sig á íslenskum lífmassa þ.m.t. seiðum sem þessi massi dauðhreinsar á því svæði sem hann fer yfir.  Meðan Íslendingar eru utan Sambandsins ráða þeir veiðum innan sinnar landhelgi og bera ábyrgð á því að makríllinn raski ekki lífríkinu.   Nýleg dæmi sýna að svokölluð þróunaraðstoð t.d. í Máritaníu er grímulaus auðlindaleiga án þess að almenningur njóti góðs.
mbl.is Sífellt erfiðara að láta sem ekkert sé
Tilkynna um óviðeigandi tengingu við frétt

Birgir búinn að átta sig

á því að engri þjóð hefur tekist að lifa af því einu að þegnarnir hafi eftirlit með og skattleggi hverjir aðra. Ég er ekki viss um að þingmenn viti þetta, því enn er verið að stofna nýjar opinberar stofur.
mbl.is Hernaðurinn gegn atvinnulífinu
Tilkynna um óviðeigandi tengingu við frétt

Er ekki hægt að fá hann til að halda námskeið að Fitjum og á Kvíabryggju?

Atvinnu- og nýsköpunartækifæri liggja eins og hráviði. Hvað eru menn að hugsa?
mbl.is Adoboli í sjö ára fangelsi
Tilkynna um óviðeigandi tengingu við frétt

Nauðsynlegt að þingið fari í kirkju

Auðvitað er nauðsynlegt að senda þingmenn í kirkju fyrir þingsetningu ogt hljóti blessun biskupsins.  Ekki væri verra ef þingmenn fengju blessun allsherjargoðans í leiðinni.
mbl.is Reyndu að fá hætt við guðsþjónustu við þingsetningar
Tilkynna um óviðeigandi tengingu við frétt

Rétt að standa í báða fætur á skýrum fyrirvörum

Ágætt að Ögmunduur geri það kannski býður það upp á kosningar heldur fyrr en varla er það verra.
mbl.is Fyrirvararnir voru skýrir
Tilkynna um óviðeigandi tengingu við frétt

Ögmundur hefur lög að mæla

Í hvaða fílabeinsturni er forysta Samfylkingarinnar að reyna að böðla þessu máli áfram í óþökk þjóðarinnar?  Er meiningin að taka VG með í fallinu? 

 Meira að segja Jónas Kristjánsson fyrrv. ritstjóri leggur til að viðræðunum verði hætt.  Er þá ekki fokið í flest skjól?

Á heimasíðu Sigurjóns Egilssonar kemur fram að hann hafi gengið á eftir Jóhönnu til að fá hana í viðtal, boðist til að taka þáttinn upp en allt kom fyrir ekki. 


mbl.is „Þetta rífur allt samfélagið á hol“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband